Myndir úr partýinu má sjá á linknum Eyþór.

Þá er helgin búin og enn ein vikan að byrja og ekki laust við það að maður sé þreyttur eftir átök helgarinnar. Ég fór nefnilega á laugardaginn í skemmtilegasta partý sem ég hef farið lengi í. Bekkjarsystur mínar voru að útskrifast úr lyfjafræðinni og var haldið sameiginlegt partý í sal í Borgartúni og það var líka svona meiriháttar gaman þar. Fyrst fór ég í veislu hjá Þórey og svo var haldið niður í Borgartún um 9 leytið. Brjálað stuð og gleði. Ég var í salnum til svona hálfþrjú en það var ekki hægt að fara heim svo að ég var samferða einhverjum strák niður í bæ og hitti Fanney á Thorvaldsen bar (fíla þann stað ekki). Við fórum svo á Hverfisbarinn þar sem ég hitti Eddu systur og vinkonur hennar í röðinni og þar dönsuðum við langt fram á morgun. Ég var ekki komin heim fyrr en um 6 leytið. Mætti svo í vinnu kl 3 og ég var frekar þreytt. Mæli ekki með því að vinna eftir djamm. Nú er komið að djammpásu í bili, næstu helgi ætla ég bara upp í Borgó og slaka á og jafnvel skrifa eitthvað í ritgerðinni minni.

Ýmislegt skemmtilegt hefur gerst síðan ég skrifaði síðast og það sem ber hæst að mínu mati átti sér stað á laugardaginn síðastliðinn. Ég Anna Katrín og Valdís unnum það þrekvirki að labba leggjarbrjót og var það hvorki meira né minna en 7 tíma göngutúr. Fyrir þá sem ekki vita liggur leggjabrjótur milli Botnsdals í Hvalfirði og Þingvalla. Við hófum ferð okkar á Þingvöllum og enduðum inn í Hvalfirði. Þetta var mjög skemmtilegt en erfitt, ég var gjörsamlega búin í löppunum í lokin en eins og nafnið á leiðinni gefur til kynna er leiðin mjög grýtt og reynir á. Eftir þetta gerði ég mér lítið fyrir og skellti mér í vinnupartý (með vinnufélögunum í Hringbrautarapóteki) og kom ekki heim fyrr en hálfsex á sunnudagsmorguninn. Það er sem sagt fyrst í dag sem að ég er nokkurn vegin búin að ná mér, ég var algjörlega úrvinda sunnudag og mánudag og heldur slöpp í gær. Svona gerist þegar maður ofmetur sjálfan sig ;) Aðra helgina í júlí er stefnan sett á Fimmvörðuháls svo að þetta var ágætisundirbúningur fyrir þá leið. Annars er lítið annað að frétta af mér í bili, ég eyði tímanum í að drepa krabbameinsfrumur fyrir hádegi og í heimildaleit og ritgerðarsmíð eftir hádegi. ÖFUNDIÐ ÞIÐ MIG EKKI !!!!!

Ég er alltof löt við að skrifa þetta gengur ekki lengur. Núna er ég út í Haga að tölvast, er í heimildaleit ásamt því að hangsa á netinu. Er að fara eftir hádegi upp í krabbameinsfélag og er að fara að fylgjast með, ég á nefnilega að prófa plöntuna mína á brjóstakrabbameinsfrumum og athuga hver áhrifin verða. Ég fer að fylgjast með í dag af því ég hef ekki hugmynd um hvernig á að vinna með frumur og ég er því svoldið stressuð :(
Ég hékk upp í Borgó alla helgina og hafði það mjög gott og er alveg endurnærð fyrir vikuna, ágætt svona til tilbreytingar að vera ekki hálf þunnur á mánudegi ;)