Ætli það sé ekki best að skrifa nokkrar línur, það er búið að vera eitthvað tuð um að ég sé ekki nógu dugleg. Ég vil mótmæla þessu, mér finnst ég bara mjög dugleg þótt ég sé ekki að tjá mig hérna á hverjum degi.

3 DAGAR Í BROTTFÖR JIBBÍ !!!!!!! Eftir 3 daga verð ég komin til kóngsins Köbenhávn og spenningurinn magnast með hverjum deginum. Það verðju nú næs, Magga vinkona ætlar að koma yfir frá Jótlandi og Hrafn ákvað á síðustu stundu að skella líka út þannig að það verður hópferð til Köben. Ég held að það sé nokkuð ljóst að ég á eftir að kíkja inn í H&M búðina á strikinu ;)

Anna Sig er loksins byrjuð aftur að blogga og ég hvet ykkur til að kíkja þar inn, bendi sérstaklega á Færeyja linkinn, frekar fyndið.

Að lokum ætla ég að monta mig af því að ég fór í þrek í gærmorgun og í morgun, ég er ekkert smá dugleg, vakna fyrir kl
sjö á morgnana og allt. Er á meðan er og ég ætla að monta mig eins og ég get á meðan.

Ég held ég sé að deyja úr harðsperrum. Af hverju gerir maður þetta alltaf, byrjar á fullum krafti í hreyfingu og helst svo í því í einhvern tíma, hættir og missir allt niður, fær samviskubit, byrjar aftur á fullu, fær harðsperrur dauðans o.s.frv. Núna er ég að taka mér tak í ég veit ekki hvaða skipti. Í gær þá vaknaði ég um 7 leytið og brunaði niður á Skaga og fór í tækjasalinn hjá ÍA (alveg rosalega dugleg) og svo fór ég á tækvondóæfingu um kvöldið. AUÐVITAÐ ER ÉG AÐ DEYJA ÚR HARÐSPERRUM, ég hef ekki hreyft mig af viti í nokkrar vikur og tek þetta svo með trompi. Ég vona að ég haldist í þessu núna, það væri ekkert leiðinlegt að komast í þrusuform, það er bara svo mikið vesen mér reynist svo erfitt að haldast í þessu lengi. Fæ alltaf leið á endanum.

Það er reyndar svaka foli að leiðbeina í tækjasalnum, það er ágæt beita he he. Alltaf gaman að blikka einhvern og biðja um að hjálpa sér við magaæfingarnar t.d. ;) Satt best að segja grunar mig að þessi strákur sé algjör hnakki, svoldið brúnn og svona en hverjum er ekki saman, hann er helv flottur fyrir það.

Ætli hún Svala sé á þörfinni, slefandi yfir einhverjum líkamsræktarhnakka, það er spurning. Þetta veit ekki á gott hmmm!!! Hún er með óráði stelpan.

Þá er andinn loksins kominn yfir mig og ég held blogginu áfram !!!

Síðasta vika er nú búin að fara í veikindi hjá mér þannig að það hefur lítið markvert gerst. Í gær var ég orðin nokkuð góð og skellti mér í bíó með Valdísi vinkonu. Við fórum að sjá Something´s gotta give (eða eitthvað, er ekki alveg viss um hvernig þetta er skrifað og ég nenni ekki að leita að mogganum til þess að hafa þetta rétt) og ég mæli með henni, hún er hreinlega frábær. Þessi stórskemmtilega mynd kemur manni í gott skap og mér finnst að allir ættu að sjá hana, bæði kk og kvk.

Dagurinn í dag var bara svona bööööööööh dagur, týpískur mánudagur og leið hann einhvern veginn áfram. Það er alltaf visst challenge að klára mánudaginn og eftir það er bara alveg að koma helgi. Hápunktur dagsins, sem var reyndar í morgun, var þegar hún Edda systir mín tilkynnti mér að hún væri búin að kaupa miða á Kraftwerk og Pixies JIBBÍ. Ég beið með að hlakka til þangað til að miðarnir væru í höfn og núna er ég orðin geðveikt spennt. Það er skemmtilegt tónleikavor framundan, 5. maí eru Kraftwerk, 26. maí eru Pixies og svo getur meira en vel verið að ég fari á tónleika með Violent Femmes á sumardaginn fyrsta.

Ég get bara ekki sleppt því að kommenta á nýja Júróvisjónlagið. Guð minn góður ég get ekki annað sagt, hvað er maður búinn að heyra svona væmna ballöðu oft áður og þetta lag er ekki frumlegt fyrir fimm aura, eins og ég sagði lag sem mér finnst ég hafa heyrt hundrað sinnum áður. Og hvað með myndbandið ekki var það nú frumlegra, Jónsi grenjandi að hugsa til baka og fyrir aftan hann klígjuleg atriði með einhverri gellu. Æ ég er kannski einum of dómhörð en þetta er allavegana það sem mér finnst en það getur verið að ég venjist laginu fyrir keppnina og syngi hástöfum með því í júróvisjónpartýinu. ÁFRAM ÍSLAND

Ég er formlega orðin íbúðareigandi, skrifaði undir í dag og borgaði fyrstu greiðslu :):):) Það er svoldið skrýtin tilfinning að vera búin að eignast íbúð, þetta er hlutur sem maður er búinn að vera að hugsa um í svo langan tíma og svo er bara allt í einu komið að þessu. Ekki meiri bið eftir fasteignablaðinu á mánudögum eða leit á fasteignavefnum á netinu. Svo nú er bara ekkert annað en að bíða róleg þangað til í ágúst og vera dugleg að leggja fyrir.