Jæja best að skrifa nokkrar línur, ég er búin að vera glated í þessum bloggmálum upp á síðkastið. Ég er rosalega ánægð með úrslit Idol keppninnar, mér finnst Fantasia geðveikt góð og hún átti sko skilið að vinna.

Þessi vika er búin að vera skemmtileg hjá mér, á miðvikudaginn fór ég á Pixies tónleikana og það var æði. Mér fannst hálf ótrúlegt að sjá þau upp á sviði og spila þessi lög sem maður þekkir svo vel og er búin að hlusta á síðan maður var unglingur. Meiriháttar gaman. Á fimmtudaginn fór ég með vinnufélögum mínum í leikhús að sjá Edith Piaf sýninguna. Actavis lyfjafyrirtækið bauð öllu starfsmönnum apóteka í leikhús og svo var boðið upp á drykki og snittur í hléinu, ekki slæmt. Ef þið viljið fara í leikhús þá mæli ég með þessari sýningu, hún var æðisleg. Ég var alveg heilluð og hún Brynhildur sem leikur Edith er stórkostleg það er ekki annað hægt að segja. Það ætlaði allt um koll að keyra í lokin og það stóðu allir upp og klöppuðu fyrir henni. Svo eru lögin líka svo flott og var hljómsveit allan tímann sviðinu og spilaði með. Það er bara must að sjá þetta. Næsta mál á dagskrá er að fara að sjá Rómeó og Júlíu, það verða bara nokkrar sýningar í júní og ég auglýsi hér með eftir einhverjum sem vill fara með mér.

Nú ætla ég að fara að njóta helgarinnar og ég óska öllum góðrar helgar :)

Ahhhh ég er gjörsamlega heilluð af verðandi konungshjónum Dana. Ég horfði á hluta af brúðkaupinu í dag og mér fannst það æðislegt. Sérstaklega þegar Friðrik byrjaði að tárast, ég bara klökknaði og hún Mary var líka gullfalleg og kjóllinn æði. Og af hverju var forseti Íslands ekki þarna??? ég er stórhneyksluð. Mér finnst þetta konungadæmi allt saman algjör tímaskekkja og seremóníurnar í kringum þetta fáránlegar EN brúðkaupið var samt æði.

Ég var enda við að horfa á American Idol og ég á ekki orð yfir úrslitunum. Aftur voru bestu söngkonurnar í neðstu tveim sætunum og hún Jasmine óþolandi væmna komst áfram !!!!! Hún var lang lélegust, ég bara á ekki orð. Er samt mjög fegin að Fantasia fór ekki, ég vona að hún vinni. Diana kom reyndar mjög á óvart og var bara rosalega góð.

Svo er stóra stundin annað kvöld!!!!!!!! JÚRÓVISJÓN. Ég segi bara áfram Jónsi og gangi þér vel :) Grikkland eða Svíþjóð vinna giska ég á.

Hmmm hvað á ég að skrifa um? Er gjörsamlega andlaus bloggari.

Nú fer að líða að Júróvisjón og spennan eykst, var að sjá í fréttum áðan að Jónsi væri rosalega vinsæll þarna út í Istanbúl. Er það ekki alltaf þannig? Það bregst ekki að þegar Ísland er í Júró þá er íslenski keppandinn alltaf ýkt vinsæll, eða eru kannski allir keppendurnir jafn vinsælir? En hvað sem því líður þá er ég farin að hlakka til stóru stundarinnar. Mér finnst lagið ekkert spes en það sama gildir um hin lögin, þau eru mis léleg. Jónsi fær samt minn stuðning á laugardaginn og hann á örugglega eftir að standa sig eins og hetja. ÁFRAM ÍSLAND!!!!

Ég horfði á þátt í gær um dönsku konungsfjölskylduna og um verðandi drottningu hana Mary Donaldson. Þessi fagra snót er einmitt frá Hobart í Tasmaníu sem ég kýs að kalla minn annan heimabæ ;) Það voru sýndar myndir þaðan og ég fékk nú bara "heimþrá", þetta er náttúrulega ekki heim en þið vitið hvaða tilfinningu ég er að tala um, ég fann fyrir söknuði, snökt. Núna er ég að deyja mig langar svo aftur og kíkja í heimsókn en maður skellir sér ekki svo glatt hinum megin á hnöttinn, djö :(

Guess who´s back, guess who´s back guess who´s back nananana? It is not Slim Shady but the evil twin from Bulgaria.
Það er rétt, hinn illi tvíburi Pilonidal Sinus er kominn aftur á kreik en nú verður tekið á skrattanum og mun hann eiga fótum sínum fjör að launa í júní.

Ég spyr er einhver möguleiki að það verði hætt að tala um fjölmiðlafrumvarpið bráðlega. Það er talað um þetta í öllum fréttatímum og umræðuþáttum. Trúið mér, ég er ekki sammála þessu en GUÐ MINN GÓÐUR hversu lengi er hægt að stagla um sama hlutinn. Mér finnst oft tilhneiging til að tala málin í kaf frekar en að gera eitthvað í þeim, ekki það að ég hafi svör við því hvernig hægt er að leysa þessa deilu. Þetta er alveg eins og með Kárahnúka, hvað var lengi talað um það í öllum fréttatímum og blöðum? ENDALAUST að mér fannst. Það getur nefnilega virkað öfugt að tala of mikið um hlutina, fólk hættir að nenna að hlusta og verður alveg sama.

Svo er einn viðbjóður sem ég verð að minnast á. Hefur einhver séð nýja myndbandið hans R. Kelly???? Annan eins viðbjóð hef ég ekki séð í langan tíma. R. Kelly er náttúrulega glataðasti maðurinn í bransanum og svo perri þar að auki, sem hann virðist n.b. komast upp með af því hann er frægur. ALLAVEGANA í þessu myndandi virðist hann vera að leika guð, hann er í öllu hvítu og allt hvítt í kringum hann, svo teygir hann sig niður og nær í ungar dömur til sín. Ég veit ekki hvað þetta er hann er greinilega með einhverjar fantasíur um himnaríki. Jæja svo endar þessi horror á því að hann er kominn í allt svart, með Zorro grímu og er að taka Michael Jackson takta. HVAÐ ER AÐ ÞESSUM MANNI????
Ég varð bara að fá að tjá mig aðeins um hann, ég gjörsamlega þoli hann ekki og er ekki ein um það.