Edda til hamingju með afmælið :) Hún er orðin 23 ára snótin og er á leiðinni til Noregs eftir nokkra daga.

Ég er að vinna núna í Domus Medica, var lánuð hingað í 3 daga og það er bara fínt. Gaman að skipta aðeins um umhverfi. Annars ætla ég að taka því rólega um helgina nema á laugardaginn en þá ætla ég að skella mér á Innipúkann í Iðnó og á laugardeginum verður fjölskyldugrill í Borgó. Ég tók mér frí á þriðjudaginn svo að þetta verður löng helgi mmmmm :) :)

Hvað ætlar fólk annars að gera um verslunarmannahelgina?

Bara ad profa

Myndina sendi ég

Powered by Hexia

Það eru komnar nýjar myndir úr brjálæðislega fyndnu partýi síðan í gærkvöldi. Edda systir er að fara til Noregs í ágúst og verður fram að jólum og svo á hún afmæli núna á fimmtudaginn þannig að hún hélt partý ásamt Benna kærastanum sínum (sem á afmæli 27.júlí) í Valsskálanum sem er á Hengilssvæðinu. Þarna var fullt af fólki úr öllum áttum og ég þekkti ekki marga en það skipti ekki máli því þarna var mikið stuð. Edda og Benni eiga mjög fyndna og æsta vini sem voru trylltir. Þegar leikar stóðu sem hæst átti sér stað æstasti og fyndnasti hópdans sem ég hef séð á ævinni, ég hélt ég myndi kafna úr hlátri. Allir að dansa kántrýdans við einhverja hillbillí tónlist. En stuðið endaði frekar snögglega þegar einn strákurinn fór úr olnbogalið og það var vægast sagt óhugnalegt að sjá það. Það kom sjúkrabíll að sækja hann og flestir fóru að sofa þá svona um 2 leytið. En það voru náttúrulega einhverjar eftirlegukindur og við hrukkum upp kl 4 í nótt við að það var verið að blasta þungarokk. Þetta var frábært kvöld samt sem áður, takk fyrir skemmtilegt partý Edda og Benni. Tékkið á myndunum, þær eru í albúmi sem heitir Valsskálinn.

Ég er ekkert smá hneyksluð ég á ekki til orð, það var sem sagt grein um Húsafell í Fréttablaðinu. Það voru tvær stelpur rétt undir þrítugu og önnur þeirra ólétt sem ætluðu að tjalda í Húsafelli og þær fengu ekki að fara inn á svæðið þar sem þær flokkast ekki undir fjölskyldufólk. Önnur þeirra ólétt og ekkert vín í för. Hvað er málið. Ég er 27 og hálfs og mér verður sem sagt ekki treystandi að fara í tjaldútileigu fyrr en ég er komin með krakka því annars verð ég bara blindfull með geðveik læti. Þeir vilja vera fjölskyldustaður og þá er bara öðrum bannað að koma. Fjölskyldufólk fær sér líka í glas og er oft með læti.

Nú á þetta að vera komið í lag og ef þið viljið sjá myndir þá smelliði bara á linkana :)
Eins gott að þetta virki.

Djöfull, myndirnar sem ég setti inn á myndaalbúmið í gær eru horfnar, skil þetta ekki. Ég er brjáluð einu myndirnar sem hanga ennþá inni eru myndirnar frá árshátíð spatúlanna. Ég verð að reyna að laga þetta í kvöld, vonandi tekst það en þar sem ég er tölvublind stundum þá er það ekki víst.

Jess ég er loksins búin að bæta við myndum í myndaalbúmið mitt. Ég setti m.a. inn myndir frá árshátíð

spatúlanna sem var 1. maí, útskriftinni


hennar mömmu þann 19. júní og svo frábærar myndir úr brúðkaupspartýi
Þóreyjar og Eysteins í Úthlíð.
 
Ég fór um helgina í útilegu á Snæfellsnes og fór hóp af fólki; Önnu Katrínu, Önnu Sigurðar, Hrafni, Ólöfu, Ingunni vinkonu Ólafar og tveim vinkonum hennar þeim Álfheiði og Sigurbjörgu. Valdís kom svo og hitti okkur á laugardeginum. Við gistum á Arnarstapa og komum þangað á föstudagskvöldið. Á laugardeginum fórum við í göngu og gengum yfir Jökulhálsinn og yfir til Ólafsvíkur. Þetta var meiriháttar ganga, veðrið eins og það gerist best og útsýnið eftir því. Þegar við vorum að nálgast Ólafsvík þá kom Valdís og selflutti hópinn inn á Ólafsvík í bílnum sínum og þar var farið í sund. Komum til baka á Arnarstapa um kvöldmatarleytið og grilluðum, Magga og Sigfús og Gunnþóra og Mikael með litlu snúlluna sína komu og grilluðu með okkur. Hrafn var með gítar og það var sungið og drukkið fram eftir kvöldi. Á sunnudaginn hélt blíðan áfram og við fórum að Hellnum og fórum á rosa sætt kaffihús sem niður við sjó. Meiriháttar ferð og  hér

má sjá myndir úr ferðinni.
 
Ég fór að sjá Shrek 2 í gær og ég mæli með henni, hún er meiriháttar skemmtileg og fyndin :)

Þessi sjálfspróf eru ótrúlega fyndin, ég fann þetta hjá Valdísi. Við erum báðar sama illmennið :)

Fyrir ykkur sem langar til að gera eitthvað skemmtilegt í sumar þá mæli ég með að fara í river rafting (fljótasiglingu). Edda systir er að vinna við þetta austur í Hvítá og skelltum við mamma og pabbi okkur í gær. Við fengum þetta fínasta veður og vorum með hóp Rússa og norskum systkinum í bát. Þetta var rosalega gaman og maður rennblotnaði í flúðunum og hossaðist til og frá. Þegar leiðin var rúmlega hálfnuð komum við að hinum svo kallaða stökkklett og þeir sem vildu gátu klifrað þar upp og hoppað ofaní ána. Auðvitað varð ég að fara upp ásamt pabba og fleirum. Ég var svo síðust í röðinni að hoppa oní (af 8 m háum klett) og ég horfði ofan í ána og fraus, fékk í magann og svimaði. Allir voru að kalla þú getur þetta, áfram og ég bara neiii ég þori ekki en svo hugsaði ég, glætan að ég hætti við og henti mér fram af. Vá það var ótrúlega gaman, brá svoldið að lenda í ánni, fór á bólakaf og skaust svo upp úr aðeins neðar og synti svo eins og brjálæðingur í land. Svo hélt ferðin áfram og ég datt einu sinni aftur út í en það var bara gaman og áin alls ekki eins köld og maður hefði búist við. Við fengum þetta fínasta veður og það er rosalega fallegt að sigla þarna niður.
Eftir þetta héldum ég, mamma og pabbi áfram í smá ferðalag, komum við hjá Geysi og héldum svo norður eftir Kili. Ég hef ekki farið Kjöl síðan ég var svona 10 ára svo að það var gaman að fara aftur enda mundi ég ekki mikið síðan síðast. Það var frekar skýjað og skúrir svo að fjallasýnin var ekki sem best en það er alltaf sérstök tilfinning að fara upp á hálendi og flott að sjá jöklana í svona miklu návígi (Kjölur liggur sem sagt á milli Langjökuls og Hofsjökuls). Við stoppuðum á Hveravöllum og skoðuðum hverina og þar var þvílíkur mannfjöldi, 2 rútur og fullt af bílum og tjöld út um allt. Greinilega vinsæll áningastaður. Keyrðum svo áfram norður og fórum framhjá Blöndulóni og Blönduvirkjun og komum svo niður á þjóðveginn í Vatnsdal við Húnaflóa. Svo var brunað heim á leið með stuttu stoppi í Staðarskála. Þetta var æðislegur dagur og nú er ég komin í ham og langar að fara að ferðast út um allt land :)

Ha ha ég var að gera eitt af þessum sjálfsprófum og niðurstaðan á ekki beint við mig, tékkið á þessu
A GARAGE-GURL. Youre into loud music, hot guys and
wild fashions. Youre most at ease when you've
got all your mates around you and you like to
party. Boys are a game and youre always on the
ball because you make sure you're always number
one.

Your virtues: Confidence, fun nature,
sociability.

Your flaws: Loudness, jealous tendency, need for
attention..



You almost certainly wouldn't like this game,
because it's not your thing:

www.life-blood.vze.com


What kind of girl are you?
brought to you by Quizilla

Sumir dagar eru svo skrýtnir, núna er eitthvað tímabil í gangi hjá mér þar sem ég missi allt úr höndunum. Ég er bara alltaf að beygja mig niður til að ná í eitthvað sem ég hef misst, ég meina það maður heldur á einhverju og svo bara flýgur það allt í einu eitthvert. Þetta kemur í tímabilum hjá mér og eins kemur það líka í tímabilum að fjarlægðarskynið brenglast hjá mér og þá er ég labbandi á allt, öll horn og rekst alltaf í dyrakarma ég næ bara ekki að hitta nógu vel þegar ég er að fara í gegnum dyr. Ég var í afmæli á laugardaginn og þá barst talið að þessu með að rekast á allt og það voru fleiri en ég sem ganga í gegnum svona tímabil og mér finnst það frekar fyndið. Af hverju ætli þetta gerist?

ÞAÐ ER ALDREI NEITT Í SJÓNVARPINU Á SUMRIN, NÁKVÆMLEGA EKKERT.

METALLICA RÚLAR get ekki sagt annað, þeir voru alveg meiriháttar og þetta eru flottustu tónleikar sem ég hef farið á. Maður fékk nettan hroll þegar þeir stigu á svið og í hvert skipti sem þeir tóku slagara. Ég á eiginlega ekki til orð til þess að lýsa þessu, þetta var vel þess virði þrátt fyrir þennan EINA OG HÁLFA TÍMA sem það tók að komast úr Grafarvoginum. Ég var ekki komin heim fyrr en hálf þrjú í nótt og var vægast sagt erfitt að koma mér á lappir í morgun. Nú þarf ég bara að fara að redda Metallicu lögum held það þýði ekkert annað.

Já og Grikkir bara komnir í úrslit Evrópukeppninnar, hver hefði trúað því. Þetta var nú frekar leiðinlegur leikur og ég horfði bara á hann með hálfu öðru auganu en svo kom þetta mark á síðustu sekúndu og maður bara trúði ekki sínum eigin. Greyið Tékkarnir þeir áttu það svo skilið að komast í úrslit að mínu mati en svona er þetta. Ég ætla að halda með Portúgal á sunnudaginn en þetta verður ekki auðvelt fyrir þá því það virðist vera andsk... erfitt að skora hjá þessum Grikkjum. Ég verð samt að halda með Portúgal í anda því að ég missi af leiknum er nefnilega að fara með Valdísi á tónleika með METALLICU. Mér finnst það eiginlega hálf ótrúlegt að ég sé að fara á tónleika með Metallicu og þetta verður örugglega mikil upplifun. Við verðum reyndar á B svæði svo að ég vona að það verði almennilegir skjáir til að maður sjái eitthvað.

Mér tókst að brenna í gær, var alveg að vanmeta íslensku sólina. Það var geðveikt veður hér í Borgarfirðinum og ég var út á svölum og hafði það gott, var samt á flakkinu inn og út og fannst ég ekkert vera það mikið í sólinni. Nennti ekki að fara út í búð að kaupa sólarvörn og nú þarf ég að gjalda þess með rauðar axlir og upphandleggi.