Nokkur orð úr Borgarnesi. Ég er voðalega andlaus bloggari þessa stundina. Er í vinnunni og það er mjög lítið að gera enda nennir fólk ekki að vera mikið á ferðinni í þessum kulda. Fór út á Snæfellsnes í gær og heimsótti útibúin mín og mér leist bara vel á. Þetta verður heilmikið að halda utan um en samt mjög fjölbreytt þannig að þetta leggst barasta vel í mig.

Jenni minn átti afmæli í gær þannig að ég eldaði góðan mat og bauð upp á hvítvín með matnum, mjög næs :)

Ég er að vinna á morgun og svo er jólastuð spatúlanna annað kvöld með tilheyrandi góðum mat og drykkjarföngum ;)

Seinasti dagurinn á Húsavík og ég get nú ekki neitað því að ég er farin að hlakka til að komast heim. Fer beint eftir vinnu inn á Akureyri og flýg svo kl 20:25 í kvöld :)

Ég var að sjá á mbl að það er búið að fresta viðræðum í kennaradeilunni um 2 vikur. Fyrirgefiði en HVAÐ ER MÁLIÐ, mér finnst þetta eiginlega nóg komið. Mér finnst eins og börnin gleymist alveg í þessu öllu saman, er það ekkert tiltökumál að þau missi bara eiginlega úr heilli önn í skólanum. Mér finnst ekki hægt að bjóða krökkunum upp á þetta. Ég er bara stórhneyksluð að það skuli ekki vera tekið í taumana. Þessi reiðilestur minn hérna þýðir samt ekki að ég skilji ekki málstað kennara, þeir eru náttúrulega lágt launaðir og það er eiginlega bara til skammar hversu léleg þau eru.

Þá er komin ný vika og ég skilaði Jenna heim í gær. Helgin var rosalega fín og við túristuðumst heilmikið. Föstudagskvöldið var rólegt enda við bæði þreytt og ég þurfti að vinna á laugardaginn. Eftir vinnu á laugardeginum var svo haldið af stað í Mývatnssveit þar sem við fórum í nýja bláa lónið. Það var fínt en heldur dýrt kannski, þúsund kall oní. Það var reyndar svo mikið rok að eitthvað hafði kólnað í lóninu en það var samt mjög næs. Um kvöldið fengum við okkur fínan mat á Gamla Bauk sem er staður við höfnina og fengum mjög góðan mat. Skelltum okkur svo á barinn og hittum m.a. stelpurnar úr apótekinu sem voru á einhverju sprelli. Enduðum á smá djammi og var svaka stemning bara :) Fórum inn á Akureyri í gær og stoppuðum í leiðinni og skoðuðum Goðafoss sem er mjög flottur. Fórum í sund á Akureyri og borðuðum á Bautanum og svo skildi ég Jenna eftir á flugvellinum og keyrði aftur til Húsavíkur. Sem sagt mjög fín helgi. Ég kem svo heim á miðvikudagskvöldið :)

Jibbí föstudagur og Jenni er að koma í dag :) :) Það var mjög jólalegt um að lítast hérna í gær, kyngdi niður snjónum. Nú er hins vegar farið að hlýna og snjórinn að bráðna og maður getur farið að undirbúa sig undir sumarveður á morgun. Ég hrökk upp í nótt kl hálf þrjú við geðveik læti og ég vissi ekki hvað var í gangi. Þá fattaði ég það að það er pöbb hinum meginn við götuna og þar stóðu nokkrir blindfullir kallar og sungu og öskruðu. Úff hvað það er pirrandi að vera vakin svona og ég hélt ég myndi aldrei sofna aftur. Bara fimmtudagsdjamm á Húsvíkingum ;)

Ætli maður túristist ekki svoldið um helgina. Langar að fara á Mývatn og fara í nýja bláa lónið og fleira. Svo kíkir maður kanski á pöbbinn og tékkar á stemningunni á Húsavík, hver veit.

Myndina sendi ég

Powered by Hexia

Myndina sendi ég

Powered by Hexia

her koma nokkrar myndir fra husavik

Myndina sendi ég

Powered by Hexia

Þá er ég komin á Húsavík og líst bara vel á staðinn. Vaknaði kl 6 í morgun og tók flug korter í 8 til Akureyrar og svo klukkutíma í rútu til Húsavíkur og beint í vinnu. Er frekar þreytt verð ég að viðurkenna en þetta verður í lagi. Fæ ekki íbúðina fyrr en á morgun svo það er óvíst hvar ég sef í nótt.