Hún á afmæli í dag
hún á afmæli í dag
hún á afmæli hún mamma
hún á afmæli í daaaaaag.

Til hamingju með daginn mamma :)

Fór í stelpubíó í gærkvöldi að sjá Alfie. Mér fannst hún bara skemmtileg og ekki slæmt að hafa Jude Law á skjánum allan tímann ;)

Já ég veit ekki með Idolið, mér finnst persónulega Hildur Vala, Heiða og Lísa lang bestar og vil sjá þær þrjár í lokin. Ekki nógu skemmtilegur þáttur samt. Af hverju er Brynja þarna áfram???? Ég er alveg sátt við að Margrét Lára fór en hún er samt miklu betri en Brynja. Brynja er bara ekki góð. Ótrúlegt að hún sé þarna ennþá. Gaman að sjá Stebba Hilmars þarna, hann hefði bara átt að taka lagið :)

Loksins loksins er ég búin að bæta við myndum !!!!!!!! Ef þið farið í myndir2 ef þið viljið skoða. Er búin að búa til nýtt albúm sem heitir Húsavík og svo er ég búin að bæta inn myndum af íbúðinni í íbúðaalbúmið.

Alias var stórkostlegur í gær, maður er bara að tryllast úr spenningi. Sloane sýndi sitt rétta eðli loksins, maður var hálfgert að vona að hann væri orðinn svoldið góður en nei nei aldeilis ekki. Get ekki beðið eftir næsta þætti.

Helgin framundan og vinna á morgun :( Ætla bara að slaka á í sveitinni í kvöld og horfa á Idolið. Ég ætla að kíkja á hana Önnu Katrínu um helgina en hún er nefnilega að passa lítinn labrador hvolp. Labrador hvolpar eru svooo sætir ég hlakka sko til að knúsa hann.

Guð horfði einhver á lokaþátt Bachelorette í gær? Þvílík hörmung. Ég hef ekkert fylgst með seríunni en datt inn í þennan þátt. Þetta var svo pínlegt, hún var svo mikið að reyna að gráta og láta sér líða illa yfir því að hún þyrfti að velja á milli þessara tveggja æðislegu manna (sem líta báðir út eins og Ken). Ég bara var ekki að trúa henni, hún er glötuð leikkona. Það þarf enginn að segja mér að þetta sé í alvörunni það var sko greinilegt í gær að þetta er allt leikið.

Bíllinn minn fór ekki af stað í morgun, það hlaut að koma að því að eitthvað myndi gerast. Sem betur fer var ég í Borgarnesi annars hefði verið illt í efni. Ég held ég þurfi ný kerti og þarf bara einhvern snilling til að setja þau í fyrir mig.

Ef þið munið þá var keyrt aftan á mig af lúser dauðans í sumar. Gaurinn virtist vera á stolnum bíl og hvarf og þetta varð geðveikt vesen. Ég kærði hann til lögreglunnar og fl. Gaurinn þóttist ekkert vita hvar bíllinn sem hann var á var niðurkominn en viðurkenndi samt að hafa keyrt á mig. En það var ekki nóg til að fá tjónið bætt þannig að ég er búin að vera að keyra á beygluðum bíl síðan í júní. Haldiði ekki að löggan hafi hringt í pabba á þriðjudaginn og bíllinn er fundinn. Ótrúlegt, ég sem var búin að gefa upp alla von. Nú lítur út fyrir að ég fá tjónið bætt :) :) :)

Iss maður er búinn að vera glated í þessu bloggi.

Síðasta vika var reyndar vika dauðans, alveg brjálað að gera í vinnuni. Það var nefnilega talning sem er það leiðinlegasta sem maður gerir en er sem betur fer bara einu sinni á ári. Taldi í Borgarnesi á mánudaginn, Stykkishólmi á þriðjudaginn, Grundarfirði á miðvikudaginn og Búðardal og Reykhólum á fimmtudaginn. Var í vinnunni frá morgni langt fram á kvöld enda var ég gjörsamlega dead á föstudaginn.

Fórum í sónar á föstudaginn á LSP og hnakkaþykktarmælingu. Þetta var rosalega gaman og maður sá fóstrið ótrúlega vel. Hnakkaþykktarmælingin kom vel út þannig að við gátum andað léttar. Fengum fínar myndir af erfingjanum sem ég ætla að skanna á tölvuna við tækifæri :)

Mér fanns Idolið ekkert sérstakt á föstudaginn en sammála að hún Vala skyldi detta út en mér fannst dómnefndin samt hrikalega vond við hana. Það var óþarfi að brjóta hana niður fyrir framan alþjóð. Mér finnst annars Hildur Vala og Heiða bestar.

Slappaði vel af á laugardaginn og svo fórum við í afmæli til Hrafns um kvöldið. Vorum svo bara að stússast í gær og fórum m.a. á bílasölur. Nú á að fara að finna familýkerruna. Við viljum samt ekki station bíl það er einum of fullorðinslegt eitthvað fyrir minn smekk ;)

Hvernig fannst ykkur Idolið í gær? Mér fannst þetta ekki nógu skemmtilegur þáttur einhvern veginn en maður heldur samt áfram að fylgjast með. Ég var ekkert smá hissa að Nanna Kristín skyldi vera kosin í burtu því hún er t.d. miklu betri en Vala. Mér finnst að Vala eða Lísa hefðu átt að fara. Ég held samt að Nanna hafi gleymst, hún söng frekar boring lag og var ekki nógu eftirminnileg. Bubbi fer líka geðveikt í mig núna, hann er svo hrokafullur og leiðinlegur. Greinilegt að Davíð fer í taugarnar á honum og hann vill hann burt. Mér fannst Davíð standa sig ágætlega og finnst fínt að hafa hann áfram.

Úff hvað það var erfitt að vakna í morgun :( Mánudagsmorgnar eru erfiðastir, það er ekki spurning.

Helgin var mjög skemmtileg. Byrjaði hana á saumaklúbb hjá Þórey á föstudagskvöldið og það var rosa gaman. Þóra var á landinu og gaman að hitta hana :) Sátum og spjölluðum fram eftir kvöldi en svo varð ég að fara sökum ofnæmis. Greyið Eyþór litli, ég verð bara kvefuð þegar ég kem heim til hans.

Fór á útsölur á laugardaginn með peninga og gjafakort síðan um jólin. Keypti mér ógeðslega flotta kápu í Topshop og bleikan bol og svo geisladisk með Keane. Um kvöldið fórum við í afmælisveislu til Önnu Katrínar. Rosa gaman og hún var með nammi góðar veitingar. Jenni greyið var reyndar orðinn slappur á laugardaginn og hefði átt að sleppa því að koma með mér, hann liggur núna í rúminu með ofurkvef. Ég var svoldið slöpp í gær en svo hvarf það í nótt sem betur fer. Ætla ekki að fá pest.

Gærdagurinn var mikill rólegheitadagur. Tókum Eurotrip á vídeó og mér finnst hún glötuð mynd, hélt að hún væri eitthvað fyndin.

Ég verð bara að fá að tjá mig að eins um ökumenn jeppa, eða réttara sagt litla kalla sem eru í testósterón overdrive og að drepast úr einhverju karlmennsku egói. Í gærkvöldi eftir vinnu var ég á leiðinni til Reykjavíkur í svoleiðis fljúgandi glerhálku þannig að ég þorði ekki að fara hraðar en 85. En nei nei ég held ég hafi fengið 4 jeppatrukka í rassgatið á mér (ekki alla á sama tíma samt) og með ljósin beint í augnhæð við mig. Ég ímynda mér alveg hvað þeir voru að hugsa "oh jeppinn minn er svo stór, læt enga hálku stoppa mig en bíddu nú við hvaða bílpadda er þetta á undan mér best að keyra alveg í rassgatinu á henni og reyna að þvinga hana til að fara út í kant og hleypa mér, ég verð að ná góðum tíma í bæinn" eða eitthvað á þessa leið. Vil bara benda jeppastrumpum á að ljósin eru í þeirri hæð að þau skína inn í litla fólksbíla og endurkastast ekki bara í baksýnisspeglinum heldur líka hliðarspeglunum.

Ég vil samt taka það fram að ég held ekkert að allir sem eiga stóra jeppa séu fífl, þeir eru bara ansi margir samt ;)

Fór í gærkvöldi til Ólafar í þrettándaboð með glæsilegum kræsingum og svo var spilað Trivial. Ólöf á hrikalega sætan kött en sá loðnasti sem ég hef séð og hann var voða til í að spjalla við mig. Stundum held ég að dýr finni á sér að ég sé með ofnæmi og það er svooo erfitt að klappa þeim ekki. Ég væri sko alveg til í kött, þeir eru svo skemmtilegir og sætir.

GLEÐILEGT ÁR ALLIR SAMAN

Þá er maður mættur til vinnu á nýju ári eftir góða helgi. Var í nesinu á gamlárs, það var svaka fjölskyldupartý. Mamma og pabbi héldu upp á fimmtugsafmælin sín og buðu því allri fjölskyldunni í veislu. Það var rosalega gaman og gekk vel fyrir fólk að ferðast úr bænum. Við Jenni vöknuðum svo spræk á hádegi á nýársdag og héldum í bæinn. Gerðum lítið nema hanga heima og horfa á sjónvarpið og sofa vel út í gær :) Að sofa út er það besta sem ég veit mmmm. Komst rétt svo í vinnuna í morgun, það var farið að hvessa ansi vel á leiðinni. Búið að vera ófært í dag og bandvitlaust veður, ég rétt svo slapp hingað uppeftir. Rafmagnið fór af bænum í svona hálftíma áðan og við gátum ekkert gert nema beðið. Hasar á Íslandi.