27 DAGAR Í PÁSKAFRÍ

Það eru ekki bara 27 dagar í páskafrí heldur einnig 27 dagar þangað til ég og Jenni förum til Dublin, veiiii. Ákváðum að skella okkur út um páskana og Dublin varð fyrir valinu. Ég hlakka ekkert smá til :) :) :) Við förum út á skírdagsmorgun og komum heim á annan í páskum.

Idolkvöld í kvöld. Ég er eiginlega ekkert spennt yfir þessu lengur en maður horfir samt á. Davíð eða Lísa eiga að detta út, Hildur Vala og Heiða eru svo miklu betri en þau. Ef það verður önnur Idolkeppni haldin á næsta ári þá finnst mér tími til kominn að fá nýja dómara. Ég er komin með ógeð á núverandi dómurum.

29 DAGAR Í PÁSKAFRÍ

Ég fór í gær og hitti gömlu vinkonur mínar úr Seljaskóla þær Önnu, Fanney, Möggu og Hildi. Hittumst heima hjá Hildi í Hafnarfirðinum. Það var rosalega gaman að hitta þær og kominn tími á smá reunion þar sem það eru 3 ár síðan við hittumst allar síðast. Margt breytt síðan við hittumst síðast, Hildur búin að eignast tvíbura, þau Óðinn og Védísi sem eru algjör krútt og Fanney komin 7 mánuði á leið. Tók nokkrar myndir af skvísunum sem ég set við fyrsta tækifæri í myndaalbúmið.

Er á leiðinn út á Snæfellsnes í útibúin og fínasta ferðaveður :)

Langaði að prófa að setja svona inn, þetta er svo sætt :)

34 DAGAR Í PÁSKAFRÍ

Alltaf gaman að telja niður dagana :) Ég hlakka svo til að komast í smá frí !!!!

Föstudagur og Idolkvöld. Ég spái því að Lísa eða Davíð detti út í kvöld, held það sé kominn tími á þau. Svo ætla ég bara að njóta helgarinnar í rólegheitum. Þetta er fyrsta helgin í ég veit ekki hvað langan tíma sem ekkert er á dagskrá.

Hafið það gott um helgina :)

Þá er maður risinn úr rekkju og mættur til vinnu og ALLTAF skal vera jafn erfitt að drattast framúr á morgnana. Það er undantekning að ég fari framúr nógu snemma til að borða morgunmat, snúsa alltaf fram á seinustu stundu. Hrikalegur ósiður.

Fór á árshátíð Lyfju á laugardaginn og það var bara mjög fínt. Bauð öllu starfsfólkinu heim í fordrykk fyrst og það gekk svona líka vel :) Árshátíðin var á Nordica hótel og allt rosalega flott. Maturinn var ágætur bara svona eins og maður getur búist við þegar er matur fyrir mörghundruð manns. Örn Árnason var veislustjóri og var mjög góður. Eftir matinn og skemmtiatriði tók Páll Óskar við sem DJ og það streymdu allir á dansgólfið. Vá hvað ég fékk fiðring í magann, mig langaði svoo að djamma. Páll Óskar spilar líka svo skemmtileg lög, diskó, gömul íslensk lög, júróvisjónlög og alls konar slagara. Entist ekki mjög lengi var frekar slöpp, við vorum komin heim um eitt leytið.

Fórum í bíó í gær og drógum Þórey með á Meet the Fockers, hún er mjög fyndin. Náttúrulega algjört rugl og aulahúmor en ég hló allan tímann.

Ég hefði betur mátt sleppa því að gorta mig um daginn að hafa ekki einu sinni fengið kvef í þessari flensutíð og ég vinn meira segja í apóteki með hóstandi kúnna dag eftir dag. En auðvitað þá náði flensan mér, ég er búin að liggja eins og slitti heima í tvo daga. Meira ógeðið. Er að braggast öll enda um að gera, árshátíð Lyfju er á morgun og ég að fá allt starfsfólkið heim til mín í fordrykk. Svo er maður orðinn nettengdur heima hjá sér, enginn smá munur :)

Ég dýrka fréttir um oýr og þá sérstaklega þennan örn sem er búinn að vera í fóstri í Húsdýragarðinum undanfarið, hann er alveg hrikalega fyndinn.

ÖSKUDAGUR

Nú bíðum við hér í apótekinu eftir því að krakkaskarinn fari að birtast og syngja fyrir nammi. Krökkunum finnst þetta náttúrulega meiriháttar gaman en maður er alltaf feginn þegar þessi dagur er liðinn. Svo er ég búin að ná mér í hálsbólgu og kvef en maður lætur sig hafa það að mæta í vinnuna. Ég ætla ekki að biðja um afleysingu úr bænum nema ég geti ekki hreyft mig úr rúminu. Það er nú ekki skrýtið að maður fái smá pest eftir þennan flensufaraldur, fær veika kúnna til sín daglega hóstandi yfir mann. Vona að ég verði orðin frísk um helgina því að árshátíð Lyfju er á laugardaginn og ég að fá allt starfsfólkið í fordrykk heim til mín :)

Hello monday !!!!!

Við skötuhjúin keyptum okkur nýjan kagga um helgina og viti menn það er kominn STATION bíll á heimilið. Þetta er glæsilegur golf silfurgrár 2000 árgerð og þvílíkur lúxus að keyra hann. Nú er bara að losa sig við gamla bílinn sem hefur reynst mér einstaklega vel í 3 ár og aldrei bilað eða neitt vesen :)

Inga Lilý og Himmi eignuðust litla stelpu í gær, TIL HAMINGJU !!!! Þá er komin ný stelpa í Spatúluhópinn :)

Ég nenni þessu ekki lengur, sónarmyndirnar eru í myndir 2 og þar getiði séð myndir af erfingjanum. Það gengur ekki að linka á albúmið mitt, var að reyna að hafa myndina á bloggsíðunni en það gekk í svona hálftíma og þá fór allt í rugl :(

Ein orðin vel pirruð á tölvutækninni.