Já ég er sem sagt mjög venjuleg stelpa :)

You Are 60% Normal (Really Normal)

Otherwise known as the normal amount of normal You're like most people most of the time But you've got those quirks that make you endearing You're unique, yes... but not frighteningly so!

How Normal Are You?

THE ROAD TO DUBLIN

Þá er maður kominn í vinnu aftur, þreyttur og sæll eftir góða helgi í Dublin :)
Ferðin byrjaði þó ekki vel og á tímabili leit út fyrir að við værum ekki að fara til Dublin. Við áttum flug kl 5:30 á skírdagsmorgun og ég við vorum búin að stilla klukkurnar okkar á hálf þrjú um nóttina. Ég hafði nú ekki miklar áhyggjur af því að vakna ekki, var mjög spennt og bjóst ekki við að sofa mikið. En viti menn við skötuhjúin steinsofnuðum eins og grjót, vöknuðum svo við að síminn hringir. Ég lít á kl og fékk næstum því hjartaáfall. Kl var 4:55 og mamma hans Jenna var að hringja og tékka hvernig gengi hjá okkur. Við fórum í súperpanik, 35 mín í að vélin færi í loftið. Við brunum út á völl og vorum komin þangað 5:27 nákvæmlega og búin að hringja á leiðinni og ath hvort það væri möguleiki að við kæmumst um borð. Þegar við komum þá voru 2 mín síðan þeir lokuðu hurðinni og tóku rampinn frá. Það var ekki séns að bíða í nokkrar mínútur og við fengum bara að heyra það út á velli, að það þýddi nú ekkert að sofa yfir sig. EINS OG ÞAÐ HAFI VERIÐ PLANIÐ. Var ekki séns að fara með öðru flugi til London eða Glasgow því það var allt uppbókað til Dublin. Konan á Icelandair skrifstofunni var samt ekkert að nenna að aðstoða okkur, var bara geðveikt hneyksluð að við skyldum hafa misst af flugvélinni, engin þjónustulund. Við sem sagt misstum af vélinni og héldum heim með tárin í augunum. Við höfðum ekki vaknað við klukkurnar. Sem er eitthvað sem ég hef aldrei lent í á ævinni. Ég vakna alltaf. Mér hefur sjaldan liðið svona illa oj bara. Við vorum svo svekkt og náttúrulega brjáluð út í okkur. Fórum að sofa og þegar við vöknuðum þá var bara sest fyrir framan tölvuna og hafist handa við að redda ferðinni. Fundum ferð á föstudeginum með Iceland Express til London og þaðan með Ryan Air til Dublin og værum þá komin á föstudagskvöldið. Ok betra en að fara ekki svo við pöntuðum þessi flug. Allt í lagi áttum pantað til London kl 15:25 föstudaginn langa, vöknum á föstudagsmorgun og kíkjum á textavarpið. FLUGINU SEINKAR UM 2 TÍMA sem þýddi það að við myndum ekki ná Ryan Air fluginu um kvöldið til Dublin. Okkur var greinilega ekki ætlað að komast til Dublin. Ok við gáfumst ekki upp. Fundum sveitahótel rétt fyrir utan Stanstead á góðu verði, pöntuðum gistingu og breyttum Ryan Air fluginu þangað til 6:30 á laugardagsmorguninn. Og það sem sagt endaði þannig. Við komumst loksins til Dublin um 8 á laugardagsmorguninn. Þá byrjaði ferðin, höfðum heila 3 daga í Dublin og nýttum þá vel. Þetta var æðisleg ferð og við höfðum það rosalega gott :) Flugum svo heim í gærkvöldi og vorum ekki komin heim í rúm fyrr en rúmlega 2 í nótt.

3 DAGAR Í PÁSKAFRÍ OG DUBLIN OG SPENNINGURINN MAGNAST :) :) :)

Rólegheitar helgi búin og einungis þriggja daga vinnuvika framundan, jibbí.

Anna Sig og Auður Aþena litla frænka hennar kíktu í heimsókn á laugardaginn. Auður var frekar feimin fyrst en svo leið ekki á löngu þar til hún var orðin eins og heima hjá sér, algjör rúsína :)

Í gær komu Villi (bróðir hans Jenna), Gunna og Grímur Steinn í heimsókn. Grímur er svo mikið krútt og fékk náttúrulega alla athygli gestgjafanna :)

Ég verð nú eiginlega að fá að hneykslast smá á fréttum frá Bandaríkjunum sem ég heyrði í morgun. Það er sem sagt kona í Flórída sem er mjög heilasködduð eftir að hjarta hennar stöðvaðist fyrir 15 árum. Hún getur andað sjálf en fær næringu í gegnum vélar. Hún er sem sagt "grænmeti" (sem er ljótt orð en læknarnir úti segja að hún sé í "constant vegetative state" sem ég kann ekki að þýða öðruvísi). Maðurinn hennar er búinn að berjast fyrir því að hún fái að deyja en fjölskyldan hennar er algjörlega á móti því. Nú er herra Bush búinn að skipa svo fyrir að konunni skuli haldið lifandi í vélum. Ég spyr bara, af hverju fær vesalings konan ekki að deyja, þetta er náttúrulega ekkert líf. Ég vona bara að ef ég lendi einhvern tíman í slysi, eða einhverju þvíumlíku að mér verði ekki haldið lifandi í tækjum. Mér finnst eins og foreldrar hennar séu frekar að hugsa um sig heldur en hana.

Varð bara aðeins að fá að sleppa mér yfir þessari frétt arrrrg.

6 DAGAR Í PÁSKAFRÍ OG DUBLIN VEIII

Vá hvað það fer að styttast í Dublinarferðina, ég er að springa úr tilhlökkun :) :) :)

Bumban stækkar og stækkar núna og allt í einu er maður orðinn "alvöru" óléttur. Það þýðir ekkert að fela þetta lengur ;) Ég er enn að rembast að vera í gallabuxum með því að hneppa einni tölu og halda þeim svo uppi með belti. Vona að ég finni einhver flott óléttuföt í Dublin :)

Spatúlurnar komu í saumó til mín í gær og það var mjög gaman. Fengum lítinn gest með. Hann Trausti litli kom með Þórey. Trausti er nokkra mánaða hvolpur og algjör rúsína. Hann var mjög þægur og svaf mestan hlutan í fanginu á mömmu sinni.

Fyrir utan það að vinna á morgun ætla ég að slappa af um helgina.
Góða helgi allir saman.

9 DAGAR Í PÁSKAFRÍ

Ég er loksins búin að henda inn nýjum myndum :)

Annars er ég að fara út að borða á Hótel Holt í kvöld. Hann Sverrir tengdapabbi minn er fimmtugur í dag og er börnum og mökum boðið á Holtið í tilefni þess. Ég hlakka mikið til :)

13 DAGAR Í PÁSKAFRÍ

Horfði á fyrsta þáttinn af Desperate Housewifes í gær og fannst þetta bara snilldarþáttur. Boðar skemmtileg fimmtudagskvöld :) Ég vissi ekkert hverju ég átti von á en samt kom hann mér á óvart. Fyndinn og kaldhæðinn þáttur.

Heyrði í morgunfréttum að Kristín Ingólfsdóttir sem kenndi mér í lyfjafræðinn hefði fengið flest atkvæði í rektorskjörinu. Næstur kom Ágúst Einarsson og verðru kosið á milli þeirra tveggja í næstu viku. Ég vona svo sannarlega að Kristín nái kjöri, allavegana var hún besti kennarinn í lyfjafræðideildinn og hún verður örugglega góður rektor. Er ekki líka ágætt að fá konu í stöðuna til tilbreytingar ;)

Idolúrslitin í kvöld. Það er held ég alveg ljóst að Hildur Vala vinnur. Ekki mikil spenna í þessu.

16 DAGAR Í PÁSKAFRÍ

Fór í 19 vikna sónar í gær og allt leit mjög vel út. Fór niður á Skaga í þetta skipti og fékk ekki eins flottar myndir og síðast. En barnið sást samt mjög vel og er greinilega búið að stækka heilmikið og allt leit mjög vel út :) Ég er sett 30. júlí þannig að það er greinilegt að ég fer ekki mikið um verslunarmannahelgina ;) Ég sjálf er líka í góðu standi, blóðþrýstingurinn fínn og er búin að þyngjast um 2 kíló sem ég er bara nokkuð ánægð með. Kílóin mega bara koma hægt og rólega.

Vegna nýrrar dagssetningar ætla ég að setja nýja mynd

20 DAGAR Í PÁSKAFRÍ

Langþráð helgarfrí, mér finnst þessi vika búin að vera svo löng eitthvað. Hlakka til að komast í hvíld :)

Er að fara í sónar á mánudaginn, hlakka rosalega til. Gaman að sjá hvernig barnið lítur út núna. Ég fann fyrstu hreyfingarnar á mánudaginn og það er voða skrýtin tilfinning. Þetta er eins og maður sé með fjörfisk í maganum og ég var ekki alveg að fatta það fyrst hvað þetta var :)

Idol í kvöld og ég er eiginlega alveg viss um að Heiða dettur út.

22 DAGAR Í PÁSKAFRÍ

Fór að sjá myndina Ray í gær og hún er mjög góð. Jamie Foxx aðalleikarinn leikur alveg rosalega vel. Finnst ekki skrýtið að hann hafi fengið óskarsverðlaunin. Ég verð að viðurkenna að ég þekkti tónlist Ray Charles ekkert mjög vel og kom mér á óvart hvað mörg þekkt lög eru eftir hann eins og t.d. "hit the road jack" og "unchain my heart". Hann var algjör snillingur kallinn og hefur átt mjög athyglisverða ævi.

Er að fara að halda saumó í kvöld fyrir bekkjarsystur mínar úr MR. Við hittumst svona tvisvar á ári og alltaf gaman að hitta þær.