Veiiii föstudagur :)

Rosalega var ég ánægð þegar ég sá í einhverju íslensku blaði að g-strengurinn væri úti. Loksins er búið að koma vitinu fyrir landann. Ég hef bara aldrei getað fundist þetta þægileg flík. Manni finnst maður alltaf vera með eitthvað upp í rassinum. Hef einungis notað g-streng þegar það má ekki sjást nærbuxnafar og látið mig hafa það. En gömlu góðu nærurnar eru bestar !!!!

Helgin var mjög skemmtileg enda var árshátíð Spatúlanna á laugardaginn. Við byrjuðum daginn á að hittast í hádeginu hjá Þóreyju. Fengum gott bakkelsi þar og fórum svo niður í bæ í Keramik fyrir alla. Ég málaði skál með miklum tilþrifum og það verður spennandi að sjá hvernig hún kemur út þegar búið er að brenna hana ;) Hittumst svo í fordrykk hjá Elsu Steinunni og fórum svo út að borða á Rauðará. Maturinn þar var æðislegur, ég fékk mér humarsúpu í forrétt og lamb í aðalrétt nammmm. Enduðum kvöldið heima hjá Mæju þar sem setið var við drykkju og spjall. Rosalega skemmtilegt kvöld :) Ég og Jenni vöknuðum svo í gærmorgun um 10 leytið og skelltum okkur í bakarí og í sund í blíðunni. Rosa fersk sko.

Annars er ég bara rosalega ánægð að það skuli vera komið vor, það er eins og maður sé að vakna úr dvala. Ég hef miklu meiri orku einhvern veginn það verður allt auðveldara eins og að vakna á morgnana. Það er bara tvennt ólíkt að þurfa að rífa sig upp í svartamyrkri eða þegar það er bjart.

Mig langar samt að benda sjónvarpsstöðvunum á eitt: DAGSKRÁIN Á FÖSTUDAGSKVÖLDUM SÖKKAR. Á ruv er það einhver óþolandi 30 ára Disney mynd og svo eitthvað glatað þar á eftir og á Skjá einum Djúpa Laugin. Úff boring. Maður vill nú geta haft það gott fyrir framan sjónvarpið á föstudagskvöldum eftir langa vinnuviku.

Ég er búin að vera í smá stuði í kvöld og setti myndir frá Dublin og nokkrar fleiri inn á myndaalbúmið :)

Vinna á morgun og svo FRÍÍÍÍ, umm hvað það er næs að fá svona frídag í miðri viku.

Ég og Anna fórum á laugardaginn að kíkja á litlu stelpuna hennar Fanneyjar, hún er algjört æði :) Ég varð alveg veik að sjá þessa mús og nú get ég varla beðið eftir að hitta bumbubúann minn ;) Ótrúlegt en satt þá á ég bara rúma 3 mánuði eftir og þeir verða örugglega mjög fljótir að líða.

Við vinkonurnar vorum að ræða það í gærkvöldi (áður en húsmæðurnar aðþrengdu birtust á skjánum) hver væri tilvalinn í hlutverk Robert Langdons í Da Vinci lyklinum. Þetta er svona hálfgerð Indiana Jones týpa, menntafoli. Það er sem sagt búið að ráða Tom Hanks í hlutverkið og við vorum nú ekki ánægðar með það. Sorry en Tom Hanks er bara ekki foli þótt hann sé frábær leikari. Ég er mikill aðdáandi þessarar bókar og sá Langdon fyrir mér sem svona 40+ hönk og sá sem hefði verið fullkominn í hlutverkið er Harrison Ford á Indiana Jones árunum, ekki slæmur þar ;) En því miður fáum við ekki allt sem við óskum okkur. Við spáðum í George Clooney (MYNDÓ), Bruce Willis (MYNDÓ en kannski of mikill töffari), Pearce Brosnan og Colin Firth. Allt góðir kandídatar. Ég vil koma með eina tillögu í viðbót (var mikið að hugsa um þetta á leiðinni í Borgarnes í morgun), hvað með Russel Crowe ??? Hann er sko tilvalinn að mínu mati (hef ekki ennþá jafnað mig á kappanum í Gladiator). Hvað finnst ykkur ? Ég legg til að þegar niðurstaða er komin í málið að við höfum samband við Hollywood og látum breyta þessu hlutverkavali.

Ég vil aðeins fá að pirra mig á einu. Af hverju er verið að eyða skattpeningunum okkar í að byggja göng til Siglufjarðar !!!!!!! Er ekki hægt að eyða peningunum í eitthvað skynsamlegra?

Þá er enn á ný kominn mánudagur og ég var bara ótrúlega hress í morgun og tilbúin að fara í vinnuna. Ég er nefnilega yfirleitt frekar mygluð á mánudögum og nenni engan vegin í vinnuna. Var að vinna á laugardaginn og var orðin frekar uppgefin eftir vikuna og gerði því EKKERT í gær og það hefur bjargað mér. Yndislegt að taka svona daga og hvílast bara og hugsa ekki um neitt. Ég er nú aðeins farin að finna mun á mér, verð mun þreyttari eftir vinnuvikuna en áður. Bumban stækkar líka og stækkar og maður er orðinn heldur fyrirferðarmeiri ;)

Af hverju verður maður alltaf jafn svekktur og hissa þegar svona hret kemur? Ég er búin að búa á Íslandi í 28 ár og á hverju ári kemur svona "páskahret" og fólk andvarpar og stynur "ég sem hélt að vorið væri komið". Ég er svona líka, voða svekkt yfir veðrinu. En málið er að á Íslandi er getur maður ekki verið pottþéttur að það sé komið vor/sumar fyrr en eftir 17.júní. Þessi hretkafli er nú reyndar ansi slæmur, ég var föst hérna uppfrá komst ekki í bæinn og mamma komst ekki heim frá Akranesi og þurfti því að gista í bænum í nótt.

Ég er með smá könnun. Fór í mæðraskoðun í gær og fékk m.a. að heyra hjartslátt barnsins sem var í kringum 135 slög á mínútu. Ég hef bæði heyrt að stelpur séu með hraðari hjartslátt en strákar og öfugt. Miðað við þessa tölu hvort haldið þið að ég sé með strák eða stelpu ????? Ég hef sjálf ekki hugmynd og ætla ekki að fá að vita fyrr en krílið er fætt :)

Ég er eins og loftið !!!!

Your Element Is Air

You dislike conflict, and you've been able to rise above the angst of the world. And when things don't go your way, you know they'll blow over quickly. Easygoing, you tend to find joy from the simple things in life. You roll with the punches, and as a result, your life is light and cheerful. You find it easy to adapt to most situations, and you're an open person. With you, what you see is what you get... and people love that!

What's Your Element?