HÚN Á AFMÆLI Í DAG, HÚN Á AFMÆLI Í DAG
HÚN Á AFMÆLI HÚN EDDAAAAA
HÚN Á AFMÆLI Í DAAAAAAAAG

Hún Edda verðandi móðursystir er 24 ára í dag og fær hún bestu kveðjur frá mér og Innipúkanum (sem lætur ekkert á sér kræla).

Það væri samt týpískt að það færi allt af stað seinni partinn í dag og við myndum festast í verslunarmannahelgarumferðarteppu dauðans á leiðinni upp á Akranes ;)

Ahhhh hún er yndisleg þessi sumarblíða. Ég er búin að vera að stikna á svölunum hjá mér í dag og er komin inn í smá pásu og fannst tilvalið að skrifa nokkrar línur hér :)

Nú eru bara nokkrir dagar þangað til að ég er sett og við erum orðin mjög spennt og bíðum bara eftir að allt fari af stað.

Helgin var róleg og fín. Ég lá bara í sólbaði á laugardaginn meðan Jenni greyið þurfti að vinna. Kíktum niður í bæ þegar hann var búinn og fengum okkur að borða á Oliver og sátum þar úti í algjörum steikarpotti. Löbbuðum svo aðeins um Laugaveginn þangað til þol mitt var búið (ótrúlegt hvað maður hefur litla orku núna). Svo var okkur boðið í læri hjá tengdó um kvöldið, nammm. Langt síðan ég hef fengið lambalæri og alltaf er það jafn gott. Á sunnudaginn þá flúðum við þokuna í borginni og héldum á Þingvöll. Þar var æðislegt veður og við fundum okkur stað út í "skógi" og lágum þar algjörlega ein í heiminum og fengum lit á kroppinn.

Ahhh en hvað það er yndislegt að vera komin í frí og ekki skemmir veðrir fyrir :) Ég náði mér bara í lit í gær. Hékk á pallinum hjá ömmu og afa í Kópavoginum í rúma 2 tíma og steiktist þar, frekar næs. Fór seinni partinn til Siggu spatúlu að kíkja á litlu stelpuna hennar. Hún er algjör dúlla og svaf bara á meðan við fengum allar að prófa að halda á henni :)

Ég lét reyndar plata mig í smá vinnu í dag, fer að leysa af í nokkra tíma í Kringlunni. Ég er ekki góð að segja nei :( en þetta verður í lagi, þarf bara að sitja á rassgatinu og kvitta á lyfseðla af og til.

Það eru komnar nýjar myndir í albúmið.

Og þá er komið að því, seinasti vinnudagurinn :) :) :) Það verður gott að fá hvíld skal ég segja ykkur. Kom heim í gær og fékk sjokk var komin með bjúg dauðans á ökklana, ekki mjög smart. Fór snemma að sofa, meikaði ekki einu sinni að horfa á húsmæðurnar aðþrengdu.

Það verður líka yndislegt að flytja heim til mín og hætta þessu flakki :)

Hafið það gott um helgina :)

SEINASTA VINNUVIKAN ER AÐ HEFJAST VEIIIIIIII :):):)

Skemmtilegt veður í dag og undanfarna daga :( Ég treysti því að sumarblíðan haldi innreið sína þegar ég fer í frí.

Fórum og kíktum til Möggu og Sigfúsar á laugardaginn til að hitta hana Kristínu Dóru í fyrsta skipti. Hún er algjört æði. Maður er alltaf jafn hissa hvað þau eru lítil, pínkulitlir puttar og tær, algjör mús :) Vá hvað ég er orðin spennt, gjörsamlega að springa. Við erum aðeins byrjuð að undirbúa okkur fyrir komu barnsins. Settum saman rúmið í gær og bjuggum til pláss í skápnum fyrir barnafötin. Vá hvað þetta er samt absúrd allt saman, er sko alls ekki að gera mér grein fyrir þessu :)

Ég á eftir 7 vinnudaga ein svo kemur afleysingin !!!!! Nú er maður sko farinn að telja niður enda orðin þreyttari en ég veit ekki hvað (væl væl væl). Jæja þá er ég búin að vorkenna sjálfri mér í dag og best að setja upp sparibrosið :)

Sigga spatúla og Valdi eignuðust litla skvísu á laugardaginn og kom hún bara á tilsettum tíma. Núna er ég næst í röðinni og orðin frekar spennt :)

Við skötuhjúin fórum á smá eyðslufyllerí um helgina og keyptum barnarúm og sófasett. Sófasettið er ekkert smá flott og breytir heilmiklu heima. Flutningurinn á því kostaði þó að Jenni greyið fór í bakinu og liggur eins og skata heima og getur sig hvergi hreyft.