Hver segir að mjólkurfernur geymi ekki mikinn fróðleik? Allavegana uppgötvaði ég einn misskilning aftan á henni. Það var verið að útskýra orðatiltækið ,,að koma eins og skrattinn úr sauðaleggnum" (þ.e. það kemur einhver óvænt algjörlega á skjön við atburðarásina eða eitthvað álíka). Ég hef alltaf haldið að þetta væri að koma eins og skrattinn úr sauðalæknum !!!!!! Já svona getur maður nú heyrt hlutina vitlaust ;)

Hef aðeins verið að vera að kynna mér hljómsveitirnar sem verða að spila á Airwaves. Er búin að hlusta aðeins á ástralska hljómsveit sem ber einkar skemmtilegt nafn, Architecture in Helsinki, The Fiery Furnaces sem er hljómsveit frá Bandaríkjunum og gaur sem heitir Jose Gonzales frá Svíþjóð. Allt mjög skemmtileg tónlist og ég vona að ég sjái öll þessi atriði. Ég er að springa úr tilhlökkun :)

Í sambandi við þetta klukk sem er í gangi í bloggheimum þá nenni ég ekki að svara því, sorrý. Ég er ekki dugleg við einhverja svona hluti. Er búin að reyna að finna upp 5 hluti sem ég get nefnt en gengur eitthvað illa. Það eina sem ég get sagt er að ég geymi alla plastpoka af einvherjum ástæðum !!!!! Jenni á hinn bóginn vill henda öllum plastpokum nema þeim sem nýtast sem ruslapokar ;)

Við náðum miða á Antony and the Johnsons rétt svo en það seldist víst upp á 7 mínútum. Jenni fór í Skífuna í Kringluna um 9 leytið í morgun til að vera alveg viss um að fá miða (byrjað að selja kl 10). Tónleikarnir verða í Fríkirkjunni 10.des og því aðeins 500 miðar til sölu. Kirkjunni verður skipt í fjögur svæði og við ætluðum að reyna að fá miða á besta svæðið. Allavegana kl 10 opnar Skífan og um 5 mín yfir þá fer fólkið í röðinni að undrast því að hún hreyfist ekkert, virðist ekkert vera í gangi. Þá var málið þannig að starfsmaður Skífunnar þurfti að fara á midi.is og kaupa miðann gegnum netið og prenta svo út. Gaurinn var víst bara tómur, kunni ekki að kaupa miðann gegnum netið og á meðan biðu allir geðveikt stressaðir. Hann var víst bara uhh netið er niðri sem var ekki satt en á meðan þá voru miðarnir að seljast upp á hinum sölustöðunum. Jenni hringdi svo loks í mig í panikki og ég dreif mig á netið og rétt svo náði miðum á ódýrasta svæðið. Jenni var númer 6 í röðinni og par á undan honum (s.s. númer 4 og 5 ) fengu ekki miða. Þetta endaði víst þannig að fólkið í Kringlunni fór í fýluferð nema þeir sem náðu að hringja í einhvern til að redda sér. HNEYKSLI segi ég bara, hvað er málið með þennan starfsmann???? Maður hefði haldið að hann myndi kynna sér hvernig ætti að kaupa miðana á netinu (ekki að það sé eitthvað erfitt, er MJÖÖÖÖG augljóst). Þetta er bara svo asnalegt fyrirkomulag, fólk er að fara í Skífuna til að vera öruggara að fá miða en þarf svo að bíða þar eftir að starfsmaðurinn fari á netið !!!!!! Finnst að hver búð hefði átt að fá úthlutað miðum og svo væri hægt að nálgast afganginn á netinu. En við fengum miða jibbí, hlakka ekkert smá til. Við keyptum okkur líka á Airwaves í gær svo að það eru spennandi tímar framundan í tónlistarlífinu :)

Horfði á Americas next top model í fyrrakvöld og festist alveg í þættinum þótt að ungfrú Tyra fari mega mikið í mig. Vá hvað hún dýrkar sjálfa sig mikið. Var ekki sammála þeim að reka Britu heim og ég var ekkert smá hneyksluð á því hvernig dómararnir töluðu um hana. Kölluðu hana kjötstykki og feita !!!!! Mér fannst hún bara mjög falleg og flott, kannski ekki nógu tannstöngulsleg til að vera súpermódel en langt í frá að vera feit.

Ahhh svo er Alias byrjað aftur, það var eins og að hitta gamlan vin aftur. Yndislega fáránlegir þættir og Sidney alltaf frábær í dulargervunum sínum.

Merkisdagur á Strandveginum í dag, Kristján Ari er eins mánaða í dag !!!!!! Við höldum upp á daginn með því að sofa þar sem að litli maðurinn sofnaði ekki fyrr en að verða 4 í nótt :)

Síðasta helgi var mjög viðburðarík miðað við helgarnar nú orðið ;) Fórum á Franz Ferdinand tónleikana á föstudaginn og brúðkaup til Örnu og Sigga á laugardaginn. Rosalega gaman bæði kvöldin og gekk eins og í sögu að passa Kristján. Nú eru ömmurnar og afarnir búin að prófa að passa hann og verða þau örugglega bögguð aftur í bráð ;)