GLEÐILEG JÓL ALLIR SAMAN !!!!
Þetta eru búnir að vera rosalega fínir dagar og vægast sagt mikið borðað :) Við vorum á aðfangadagskvöld í Borgarnesi og fengum ljúffengan hamborgarahrygg í matinn. Eftir borðhaldið var ráðist á pakkaflóðið sem var í algjöru hámarki núna. Eins og sést á myndinni er ég umkringd pökkum. Ég fékk þó nokkrar góðar gjafir en Kristján á nú meirihlutann af pökkunum á myndinni. Hann fékk rosalega mikið af flottum gjöfum :) Við gistum í Borgarnesi og fórum svo í bæinn á jóladag. Á jóladag var svo hangikjög hjá ömmu og afa og eftir það fórum við til tengdó og fengum ís og kaffi. Í gær vorum við ásamt bróður hans Jenna og fjölskyldu heima hjá tengdó. Við fengum ljúffengan humar í forrétt og svo voru tartalettur með ýmsu kjöti í. Mjööög gott.

Við Kristján erum bara að hanga í dag og Jenni er í vinnunni. Svo á ég afmæli á fimmtudaginn jibbííí. Verð 29 ára þann 29. !!!!! Seinasta skipti sem ég verð tuttugu og eitthvað ;)

4 DAGAR TIL JÓLA

Jólin eru bara alveg að koma !!!! Ég er farin að hlakka mikið til :)

Kristján Ari var skírður á sunnudaginn og heitir því formlega Kristján Ari núna. Við skírðum hann kl 11 í Vídalínskirkju í Garðabæ og það var bara mjög gaman í messu. Rosalega jólalegt og skemmtilegt. Við héldum svo veislu hérna heima fyrir nánustu fjölskyldu og það heppnaðist mjög vel. Kristján fékk margar fallegar gjafir og meira að segja eina heimatilbúna. Edda systir tók sig til og bjó til dagbók barnsins og myndskreytti með hjálp Benna. Henni leist ekkert á úrvalið af slíkum bókum í búðunum :) Ekkert smá flott hjá þeim og gaman fyrir Kristján að fá svona persónulega gjöf.

Jólaundirbúningurinn gengur vel. Kom öllum jólakortunum í póst í gær svo að þau ættu að komast á rétta staði fyrir jól. Mamma og pabbi litu eftir Kristjáni í gærkvöldi meðan við Jenni skutumst í Kringluna og keyptum slatta af jólagjöfum. Nú er bara helmingurinn eftir. Við byrjuðum bara í gær að kaupa jólagjafir. Okkur finnst báðum svo gaman að gera það svona rétt fyrir jól. Þetta er ekkert stress ef maður er búinn að ákveða hvað maður ætlar að gefa hverjum, þá er maður enga stund að kaupa gjafirnar.

Er að hlusta á jóladiskinn með KK og Ellen og hann er æðislegur. Rólegur og þægilegur og mjög hátíðlegur. Smá tilbreyting frá þessum jólalögum sem maður er búinn að heyra þúsund sinnum í sama búningi.

Fórum á Antony and the Jonhnsons í Fríkirkjunni á laugardagskvöldið. Vá það voru meiriháttar tónleikar. Maðurinn syngur eins og engill og lögin æðisleg. Ég fékk gæsahúð og kökk í hálsinn hvað eftir annað. Fríkirkjan er æðislegur tónleikastaður, fínn hljómur og svo kósý eitthvað.

Fór með Eddu og Benna á Harry Potter í gærkvöldi. Ógeðslega skemmtileg mynd verð ég að segja. Sá sýnt úr myndinni The Chronicles of Narnia og vá hvað ég hlakka til að sjá hana, er algjör sökker fyrir ævintýramyndum. Annars var þetta fyrsta bíóferðin síðan ég sá Sin City einhvern tímann í júlí :)

Kristján Ari er 4ja mánaða í dag og kominn með tvær tennur !!!!!! Tíminn flýgur áfram og áður en ég veit af verður fæðingarorlofið búið :( Annars finnst mér það meiriháttar að vera í fríi í desember og geta notið þess að undirbúa jólin. Ég man í fyrra þá vann maður út í eitt og var dauðþreyttur á aðfangadagskvöld :) Ég var að klára jólakortalistann og panta myndakort hjá Hans Petersen. Við vorum að telja hversu mörg jólakort við sendum saman og þau eru 60 talsins !!!!!! Díses segi ég nú bara.

Það eru bara 4 dagar í Anthony veiiiii :)

Fórum á jólahlaðborð með vinnunni hans Jenna á laugardaginn í Versölum. Það var matur frá Múlakaffi og hann var rosalega góður nammm. Ég át náttúrulega yfir mig, maður kann sér ekki hóf. Eftir matinn voru svo skemmtiatriði, Heitar lummur voru fyrstar á svið og ég var ekkert sérstaklega hrifin af þeim en þeim tókst að rífa upp stemmninguna og fá fólk á dansgólfið. Næst spiluðu Paparnir og mér fannst þeir mjög skemmtilegir. Það er örugglega frábært að fara á alvöru ball með þeim :)