Já það er bara kominn alvöru vetur. Mér finnst alltaf svolítið gaman þegar allt er á kafi í snjó og ég vona bara að hann haldist svo ég komist eitthvað á skíði í vetur :)

Við fórum með Kristján Ara í ungbarnasund á laugardaginn og það var ótrúlega gaman, fullt af litlum krúttum með foreldrum sínum. Við erum í sundi í innilauginni í Breiðholtslaug og ég fékk þvílíkt flassbakk þegar ég kom þangað inn. Man svo vel eftir því þegar við vorum þarna í skólasundi. Er ekki alveg viss hversu gömul ég var en ég hef ekki verið alveg synd því ég man eftir því að vera að synda með svona gulan einhvern veginn kút á bakinu (æ það kom svona hvítt undir magann og svo tveir gulir hólkar á bakinu) og með kork fyrir framan mig að æfa fótatökin. Breiðholtslaugin minnir mig líka alltaf á þegar við vinkonurnar vorum að fara í sund hjólandi úr Seljahverfinu og um leið og við komum inn í Fellin fór hjartað að slá hraðar og við drifum okkur eins og við gátum til að lenda ekki í Fellavillingunum, ha ha ha. Ég man ennþá hvað maður var hræddur og eflaust að ástæðulausu, það var alltaf verið að hræða mann með einhverjum sögum sem maður trúði :)

Eftir sundið brunuðum við í Borgarfjörðinn í bústaðinn og höfðum það notalegt. Það var allt á kafi í snjó og golfinn komst ekki að bústaðnum svo að mamma og pabbi komu og redduðu málunum á jeppanum. Jenni og pabbi voru heillengi að koma bílnum úr skaflinum en ég held að þeim hafi nú ekki fundist það leiðinlegt að standa í þessu.

Amma á Snorrabraut og Hrafn eiga afmæli í dag og óska ég þeim til hamingju með daginn :)

Kristján Ari var 5 mánaða á laugardaginn og er kominn með nýja tönn af því tilefni :)

Við Jenni fórum í bíó í síðustu viku á Narníu og okkur fannst hún bara mjög góð. Alveg svona ekta ævintýramynd. Ég fékk einmitt allar Narníusögurnar í jólagjöf og hlakka til að byrja að lesa þær.
Á laugardaginn var svo mikið húllumhæ hjá Önnu Katrínu enda stúlkan að halda upp á þrítugsafmælið sitt. Það var mjög gaman og rosalega góðar veitingar enda ekki við öðru að búast :) Ég gerði heiðarlega tilraun til að fá mér í glas og drakk heil tvö hvítvínsglös og uppskar ekkert annað en hausverk :( Frekar fúlt en svona er þetta þegar maður er ekki í neinni æfingu.

You Are 26 Years Old

Under 12: You are a kid at heart. You still have an optimistic life view - and you look at the world with awe. 13-19: You are a teenager at heart. You question authority and are still trying to find your place in this world. 20-29: You are a twentysomething at heart. You feel excited about what's to come... love, work, and new experiences. 30-39: You are a thirtysomething at heart. You've had a taste of success and true love, but you want more! 40+: You are a mature adult. You've been through most of the ups and downs of life already. Now you get to sit back and relax.

What Age Do You Act?

Sá þetta próf á blogginu hennar Ingu, ég er bara mjög ánægð með útkomuna. Held ég segi bara öllum að ég sé 26 ára :)

GLEÐILEGT ÁR

Jæja þá er bara komið árið 2006 og einungis einn mánuður eftir af fæðingarorlofinu !!!
Gamlárskvöld var mjög fínt. Við fórum í mat til tengdó og fengum lambahrygg í matinn, nammi namm. Síðan fórum við á Fylkisbrennuna og hittum vini hans Jenna þar. Kristján var glaðvakandi og horði með miklum áhuga á brennuna. Við enduðum kvöldið hjá Birgi frænda mínum en þar var öll fjölskyldan samankomin. Horfðum á skaupið sem mér fannst svona allt í lagi bara, það var hægt að hlæja að sumu og skutum svo upp flugeldum. Kristján svaf bara í vagninum í gegnum skothríðina og vaknaði svo þegar lætin voru búin. Jenni fór svo í partý til vina sinna en ég nennti engu ;) Við Kristján vorum komin heim um 2 leytið og sofnuð um 3.