Ég nappaði þessu af síðunni hennar Önnu Sig, hlýtur að koma öllum í gott skap. Algjör snilld :)

Ákvað að svara þessum spurningum loksins :)

4 störf sem ég hef unnið um ævina:
1. Vegagerðin
2. Leikskólinn Mánagarður
3. Lyf og heilsa Akranesi
4. Lyfja Borgarnesi

4 bíómyndir sem ég get horft á aftur og aftur:
1. Lord of the Rings (allar myndirnar)
2. Ace Ventura
3. So I Married an Axe Murderer
4. Sliding Doors

4 staðir sem ég hef búið á:
1. Kögursel 26
2. York Street 121
3. Þórólfsgata 21a
4. Strandvegur 18

4 staðir sem ég hef heimsótt í fríum:
1. Tasmanía
2. Nýja Sjáland
3. Naxos Grikklandi
4. Barcelona

4 sjónvarpsþættir sem mér líkar vel:
1. Alias
2. Desperate Housewifes
3. Queer Eye for the Sraight Guy
4. Prison Break

4 síður sem ég skoða daglega fyrir utan blogg:
1. mbl.is
2. barnaland.is
3. allmusic.com
4. ýmsar bloggsíður

4 matarkyns sem ég held uppá:
1. Kjúklingur
2. Ýmsir pastaréttir
3. Sviðasulta
4. Humar


4 staðir sem ég vildi heldur vera á núna:
1. Ástralíu
2. New York
3. Sofandi upp í rúmi
4. Einhvers staðar í heitu löndunum með gæjunum mínum

4 sem eiga að gera þetta líka:
1. Edda
2. Anna Sig
3. Magga Linda
4. Ólafur Ragnar Grímsson

Edda systir er meistari í að misskilja lagatexta (svo segir hún sjálf) og ég hélt ég myndi deyja úr hlátri þegar hún sagði mér frá einum slíkum í gær. Hinn mikli Europe slagari final countdown hljómaði í útvarpinu í bílnum. Á yngri árum sínum misskildi Edda textann aðeins og hélt að í staðinn fyrir it´s the final countdown þá væri textinn it´s a fire downtown !!!!! Ég dó úr hlátri, stórkostlegt.

Annars var helgin mjög fín, kíkti í fyrsta sinn út á lífið síðan Kristján fæddist á laugardaginn. Ég og Jenni fórum út að borða á Oliver í tilefni þess að hann var búinn með sveinsprófið og fórum svo til vina hans og þar fékk ég mér aðeins í glas. Svo fór ég með Önnu Katrínu og Greg á Celtic Cross en þar voru Hrafn, Stína og Ólöf. Ég fékk mér bjór þar og kíkti svo aðeins á Sirkus á eftir og fékk mér annan bjór þar. Ég fann ágætlega á mér og skemmti mér vel. Var nú ekki mjög lengi, var komin heim um hálftvö leytið. Fór beint í sturtu þar sem ég angaði eins og öskubakki, úff þvílík stybba. Edda passaði Kristján á meðan og gekk það bara rosalega vel. Það fer að líða að því að Kristján fari í næturpössun svo maður komist á almennilegt djamm ;)

Kristján Ari er hálfs árs í dag, orðinn stór strákur bara :)

Jæja er ekki best að skrifa eitthvað á þetta blogg, er búin að vera algjörlega andlaus síðustu vikur.

Í dag er síðasti dagur fæðingarorlofsins, byrja að vinna á morgun !!! Það verður fínt held ég og ágætt að fá smá tilbreytingu. Ég verð að vinna frá 9-14 í febrúar (snilldarvinnutími) og verður Kristján í pössun hjá tengdamömmu á meðan. 1. mars er svo förinni heitið í Borgarnes og fyrsti vinnudagurinn þar. Við verðum fyrst um sinn í kjallaranum hjá mömmu og pabba og förum svo vonandi í okkar eigið. Við erum að skoða eitt tiltekið raðhús en það er ekki komið á hreint ennþá og svo eigum við líka eftir að selja íbúðina. Jenni er á fullu í sveinsprófinu og sést lítið þessa dagana, fer í tvö próf í dag og tvö á morgun og svo verklega prófið á föstudaginn. Mikið verður nú gott þegar hann er búinn :)

Horfði á júróvisjón á laugardaginn og hélt ég myndi kafna úr hlátri þegar Silvía Nótt mætti á svæðið. Langbesta atriðið og lagið bara allt í lagi. Ég held að við ættum bara að senda hana til Grikklands.