Kristján Ari varð 7 mánaða fyrir tveimur vikum !!!!! Hann hélt upp á þau tímamót með því að skríða og standa upp við hluti og er núna á fleygiferð út um allt :)

Annars gengur lífið bara sinn vanagang, byrjuð að vinna á fullu og nóg að gera þar og svo eyðir maður frítímanum með fjölskyldunni.
Helgin var mjög notaleg og róleg, Anna Katrín bauð okkur í mat á laugardagskvöldið og fengum þar afbragðsgóðan mat eins og henni er einni lagið. Kristján Ari var í banastuði og fékk sér svo blund í burðarúminu sínu.
Gærdagurinn fór í það að pakka niður í kassa, við þurfum að flytja næstu helgi. Þurfum að afhenda íbúðina 1.apríl. Nóg að gera hjá okkur núna !!!! Úff hvað maður á mikið af drasli, það er ótrúlegt. Það virðist endalaust verk að koma þessu öllu í kassa!

Það er orðið langt liðið frá síðustu færslu hér enda búið að vera í nógu að snúast hjá mér. Er byrjuð að vinna á fullu í Borgarnesi og mér líkar það bara vel. Það er bara skemmtilegt að vera byrjuð að vinna aftur. Jenni er í feðraorlofi svo þeir skemmta sér saman á daginn feðgarnir :)

Hvernig finnst ykkur annars þessi heil og sæl þáttur með parinu þarna. Ég hef reyndar ekki horft á þetta en séð uppskriftirnar í Blaðinu og mér finnst þetta hrikalega óspennandi og ógirnilegur matur. Er of öfgakennt fyrir minn smekk. Svo finnst mér hún líta út fyrir að vera með næringarskort, ekki mjög gott þegar þú ert að agitera fyrir "heilsusamlegu" líferni.