Fór með drenginn í fyrsta skipti í klippingu í gær og hann var vægast sagt ekki hrifinn. Minn byrjaði svoleiðis að hágráta um leið og klippikonan snerti á honum hárið, tárin runnu í stríðum straumum skal ég segja ykkur :) Þetta hófst nú allt saman á endanum og Kristján er rosalega flottur núna. Annars fór nú öll fjölskyldan í klippingu í gær enda tilefni til. Við ætlum nefnilega í myndatöku á morgun og ég er orðin mjög spennt.

Ég er að deyja mig langar svo á Airwaves en við tókum þá ákvörðun að fara ekki í ár þar sem við erum að fara til útlanda næstu helgi. En mig langar samt svooooooo.

Annars eru bara 6 DAGAR Í FRANKFURT !!!

Jæja það hlaut að koma að því, sonur minn er kominn á einhvern sjálfstæðisaldur. Ef hann fær ekki að borða sjálfur þá hristir hann hausinn og lætur í sér heyra. Einnig er einhver smá frekja að læðast að honum, ef við ætlum að taka eitthvað af honum sem hann má ekki hafa þá er bara togað til baka og öskrað :/ Svo finnst mér þetta frekar fyndið og það er heldur erfitt að brosa ekki þegar hann lætur svona. Ég passa mig samt að brosa ekki því einhvern veginn verður hann að læra hvað má og má ekki ;)

Óvissuferðin á laugardaginn var bara mjög fín. Vorum niðri í Bæjarlind á skrifstofunni um morguninn á hópeflisnámskeiði og fórum í leiki og svona. Eftir hádegi var svo farið austur á Þingvelli og við skoðuðum Gjábakkahelli. Fórum í spes galla og vorum með hjálm með ljósi á. Á miðri leið þá slökktu allir á ljósunum og þvílíkt myrkur hef ég aldrei upplifað. Ég lokaði bara augunum því að ef þau voru opin þá voru augun á fullu að reyna að fókusera á eitthvað, frekar skrýtið. Þetta var mjög skemmtilegt. Næst var ferðinni heitið í Hvalfjörðinn á Hótel Glym og þar fórum við í pottinn og fengum bjór, svo var fordrykkur og matur. Mamma og pabbi voru svo almennilega að skjótast eftir mér svo að ég komst heim til mín, var komin heim um 23 leytið. Fínasti dagur bara :)

16 DAGAR Í FRANKFURT !!!

9 tímar í helgarfrí :)

Við hjónaleysin erum að spá í að fara með foringjann í myndatöku hjá ljósmyndara. Ef að þið getið bent á einhvern góðan þá væri það ægilega fínt. Við erum ekki með mikið vit á þessum málum.

Ég er að fara í óvissuferð á morgun með öðrum lyfsölum hjá Lyfju og dagskráin hefst kl 10 í fyrramálið og áætluð heimkoma er á miðnætti. Úff púff segi ég nú bara maður verður dedd eftir þetta. Vonandi get ég blikkað minn heittelskaða til að sækja mig eftir þetta, nenni ómögulega að gista í stórborginni ;)

20 dagar í Frankfurt!!!!

Monday monday !!!!!

Það er bara kominn október, djísös hvað tíminn líður hratt. Þetta verður sko bissí mánuður. Næstu helgi er ég að fara í óvissuferð, 21. er ég með vinnupartý og svo rúsínan í pylsuendanum er Frankfurtarferð þann 26. Við skötuhjúin erum að fara með vinnunni hans Jenna í helgarferð til Frankfurt og nú get ég heldur betur farið að telja niður dagana þangað til. Ég er svolítið háð því að telja niður dagana að einhverjum atburði, ég verð alltaf að hafa eitthvað til þess að hlakka til. Sérstaklega þegar maður fær tvo auka frídaga í vinnunni :) Ég fór meira að segja að hlakka til jólanna um daginn en ég stoppaði mig nú fljótlega af í þeim málum, enda þrír mánuðir (eða heilt sumar) þangað til.

24 dagar í Frankfurt !!!!!