7 DAGAR Í PÁSKAFRÍ !!!!!!!

Guð hvað það verður yndislegt að komast í smá frí.

Var á faraldsfæti í vinnunni í gær. Fór vestur á Reykhóla og í Búðardal að kíkja á lyfjabúr dvalarheimilanna. Veðrið var yndislegt og mjög fallegt að keyra. Á Barmahlíð á Reykhólum var tekið á móti mér með kaffi og kleinum og svo mátti ég ekki fara fyrr en ég var búin að fá mér smurt brauð og djús. Að lokum fékk ég svo kleinur í poka með mér heim, yndislega heimilislegt :)

Var komin tiltölulega snemma tilbaka í Borgarnes og notaði tækifærið, þar sem ég var með afleysingu, og sótti Kristján snemma til dagmömmunar. Við fórum út að leika okkur og kíktum svo í kaffi til mömmu. Þvílíkur lúxus ef maður gæti hætt 3-4 í vinnunni á daginn !

Jæja hreyfingarandinn er að koma yfir mig, þetta er búið að taka u.þ.b. mánuð að koma mér í gírinn. Skrapp í bæinn eftir vinnu í gær í þessu yndislega veðri, tók vel í sums staðar. Erindi mitt var nefnilega fimleikaæfingin, ég kemst ekki á sunnudaginn þannig að ég varð að fara í gær. Hrikalega gaman. Kom við fyrst hjá Önnu og sá litla snúllann hennar. Hann er algjört æði, ótrúlega svipsterkur og flottur strákur. Maður er alltaf jafn hissa hvað þau eru lítil svona ný.
Skellti mér svo á hlaupabrettið í morgun, alveg ótrúlega dugleg. Er þ.a.l. frekar dead núna en það er góð þreyta. Vöðvarnir eru að vakna á ný :)

Ástæðan fyrir því að ég kemst ekki á æfingu á sunnudaginn er sú að við erum að fara austur á Kirkjubæjarklaustur í bústað. Förum með Önnu Katrínu, Valdísi og co. Ég hlakka til, það verður næs að skreppa í bústað, fara í pottinn og borða góðan mat :)

Hafið það annars gott um helgina !!!!!

Svala stirða mætt í vinnuna !!!!! Djí er að drepast úr harðsperrum eftir fimleikana í gær. Ég lét mig nú hafa það að mæta þótt ég væri hálfþunn og gekk vel miðað við það. Árshátíð Spatúlanna var á laugardaginn og rosalega gaman. Vorum allar mættar, meira að segja Danirnir í hópnum voru á staðnum. Maður sötraði hvítvín og bjór þannig að það bólaði nú á hausverk í gær. Þetta var nú samt ósköp dannað hjá okkur, sátum og töluðum og töluðum. Gisti hjá Þórey og var komin upp í rúm um 3 leytið.

Vaknaði svo 6 í morgun eftir svefnlitla nótt (smá brölt á sumum), þurfti nefnilega að mæta á fund í bænum kl 8. OMG hvað það var erfitt. Ætla sko snemma að sofa í kvöld.

Damn skattframtalið, þurfum að skila inn á miðvikudaginn. Maður er alltaf svo skipulagður eða þannig. Nenni samt ekki að gera það í kvöld, hristi framtalið fram úr erminni á morgun bara ;)

Djííí bara svaka drama í DH í gærkvöldi, ég var bara með tárin í augunum. Það var nú kannski óþarfi að láta pjölluna drepast eins óþolandi og hún var. Eftir DH ætlaði ég að hafa það gott og horfa á Dracula með Gary Oldman, Winonu Ryder, Keanu Reeves og Anthony Hopkins á bíórásinni. Mitt litla hjarta höndlaði hana ekki, Jenni var farinn að sofa og ég þorði ekki að horfa ein. Skipti bara yfir á Sporlaust á Ruv, alltaf hægt að stóla á þá þætti.

Vaknaði kl 7 í morgun, kom Kristjáni til dagmömmunar kl 8 og skellti mér út í íþróttahús á hlaupabrettið. Alveg svakalega var gott að byrja daginn á smá svita, þarf að reyna að gera þetta svona tvisvar í viku, fara í spinning 1-2svar og svo fimleika á sunnudögum. Falleg hugmynd ef ekki væri fyrir litla snooze púkann sem situr á öxlinni á mér á morgnana. Ótrúlegt hvað ég get alltaf talið sjálfa mig á að sofa aaaðeins lengur.

Árshátíð Spatúlanna annað kvöld, eigum að mæta í kjól og með hatt. Búin að redda hvoru tveggja og er orðin mjög spennt. Edda ætlar að mála mig og greiða svo að ég ætti að vera algjör skvísa á morgun :)

Ég held ég hafi aldrei verið svona þreytt á ævinni !!!!!!!!!!!!!!!!!!!!!!!!!!
Fór á fimleikaæfingu í gær og það var náttúrulega bara gaman :) Eins og áður var ég ansi þreytt eftir upphitunina en fékk svo máttinn aftur þegar við fórum í fimleikaæfingarnar. Mér fer nú aðeins fram held ég, gerði ágætis streit á trampólíninu og þjálfarinn vildi endilega að ég gerði skrúfu. Þetta var undir lokin á æfingunni og ég hafði mig ekki í það, líkaminn var alveg búinn. Ég vona að ég þori næst, ég yrði ekkert smá stolt af sjálfri mér :) Er reyndar komin með álagsmeiðsl, er að drepast í ökklanum eftir æfinguna í gær. Tognaði á ökkla í október og er greinilega ekki búin að ná mér alveg.
Við skötuhjúin kíktum svo í bíó á mynd sem heitir Smoking Aces og er ágæt. Mæli ekkert sérstaklega með henni. Náðum svo í Kristján hjá tengdó og héldum heim á leið. Kristján sofnaði á leiðinni og við settum hann beint upp í rúm og við vorum farin að hlakka til að fara að sofa. Þá vaknaði minn hágrátandi og neitaði að fara að sofa. Ég held að hann hafi loksins sofnað um hálftvö. Kl. fimm vaknaði hann aftur alveg háorgandi og vildi bara að ég héldi á sér og labbaði um með hann. Leið greinilega illa greyinu. Eftir u.þ.b. hálftíma grátur kom smá prump og þá gat hann loksins sofnað. Greyið litla, hefur verið að drepast í maganum og ekkert vitað hvað hann ætti að gera. Hann getur ekkert tjáð sig almennilega. Þannig að eftir lítinn svefn í nótt og tveggja tíma hörkupúl í gær þá er ég gjörsamlega dead og vona svo sannarlega að dagurinn líði hratt.

Það eru nú meiri lætin sem eru búin að vera út af þessum Smáralindarbæklingi. Mér finnast viðbrögðin á báða bóga alveg rosalega ýkt. Ég verð nú að viðurkenna það að ég sé ekkert klámfengið við þessa mynd og viðbrögð þessarar konu allt of öfgafull. Hins vegar þoli ég ekki þegar einhver kemur með svona yfirlýsingar þá verður allt brjálað og fólk hringir t.d. inn á Bylgjuna og rakkar þessa helvítis femínista niður. Ég er femínisti en það þýðir ekki að ég sé á móti karlmönnum, raki mig ekki undir höndunum, vilji að kallarnir á umferðaljósunum klæðist pilsum o.s.frv. Mér finnst að allir eigi að hafa jafnan rétt í lífinu hvort sem þeir eru karlkyns eða kvenkyns og mér finnst óþolandi að það skuli enn vera kynbundinn launamunur hér á landi. Hins vegar verð ég að viðurkenna það að þessi forsíðumynd á Smáralindarbæklingnum truflaði mig svolítið, mér finnst hún á gráu svæði, get ekki að því gert.

Jess einn og hálfur vinnudagur í helgina mmmmmmmm :)
Það átti nú ekkert að vera planað þessa helgi nema bara fimleikaæfing á sunnudaginn eeeen Jenna tókst að plata mig með sér á árshátíð Securitas á laugardaginn. Ég ætla að vera bílstjóri svo við komumst heim til okkar á eftir. Maður verður stundum þreyttur á því að þurfa að gista í bænum þegar eitthvað er að gerast. Já heima er best :)

Annars er ég í sjokki yfir greinum sem birtust í Blaðinu í gær og í dag og fjalla um stelpu og strák sem hafa átt hrikalega ævi og ekki fengið neina hjálp frá barnaverndaryfirvöldum. Mig langaði mest til að gráta eftir að hafa lesið þetta. Þetta eru krakkar sem hafa verið afskipt alla ævi, átt foreldra í ruglinu, orðið fyrir ofbeldi og lenda svo sjálf í dópi og rugli. Stundum skil ég ekki af hverju svona lið fær að eiga börn og skemma þau, af hverju eru þau ekki tekin úr þessum aðstæðum lítil svo þau eigi nú einhverja möguleika á því að lifa mannsæmandi lífi.

Guð það er búið að vera brjálað hérna í apótekinu í gær og í dag, það mætti halda að það væru MÁNAÐAMÓT!!!!!!!!!!!!!!!!!
Það setur reyndar strik í reikninginn að það eru nánast allir með einhverja pest þannig að það mokast út kvefmixtúrur, hálsbrjóstsykur og nefsprey. Ég held nú bara að ónæmiskerfið mitt sé í súperstandi, maður er með hálfveikt fólk yfir sér, hóstandi og sjúgandi upp í nefið allan daginn en ekki lagst ennþá (7-9-13). Eins og það minnki líkurnar á að ég fái kvef ef ég segi 7-9-13 !!!

Fór á stórskemmtilega tónleika í gærkvöldi með Önnu, Valdísi og Ólöfu. Sáum sænsku snótina Lisu Ekdahl. Þetta var á rólegu nótunum og við áttum bara mjög notalega kvöldstund. Hún syngur mjög falleg lög og er með rosa flotta rödd. Allt sungið á sænsku og svo talaði hún milli laga á sænsku og ég skildi nú ótrúlega margt.

Langþráð helgi framundan, ég er loksins í fríi á laugardegi. Vann alla laugardaga í febrúar en fæ núna frí 2 laugardaga í röð. Ætlum að skella okkur í þrítugsafmæli til Ólafar annað kvöld og svo eru það náttúrulega fimleikarnir á sunnudaginn. Get ekki beðið. Ég vona samt innilega að ég fái ekki svona hroðalegar harðsperrur aftur, guð minn góður það voru allar hreyfingar sársaukafullar á þriðjudaginn :(