Danmerkurævintýrið er alltaf að verða raunverulegra. Jenni keypti sér miða út 11. júlí svo það er bara rúmur mánuður í að hann fari. Ég og Kristján förum svo um miðjan ágúst. Það á eftir að vera erfitt að hitta ekki bóndann í heilan mánuð :( Það er líka mjög skrýtið að hugsa til þess að eiga bara eftir 2 mánuði í vinnunni.
Nú þarf maður að fara að ákveða hvað af dótinu fer með og hvað ekki, panta gám og fleira!!

Kvef, kvef, kvef og aftur kvef :(
Ég er brjáluð, fékk kvef og hálsbólgu á sunnudaginn og er búin að vera eins og tuska alla vikuna. Ég fékk þetta ógeð fyrir mánuði síðan og mér finnst þetta ekki sanngjarnt. Skellti mér á fimleikaæfingu í gærkvöldi í algjörri afneitun fyrir þessu kvefi og var náttúrulega ógeðslega léleg. Ekkert þol, ekkert úthald og engina geta. OHHHH. Nú er ég búin að kaupa mér vítamín og ætla að vera duglegri að borða ávexti og byrjaði átakið á því að fá mér plómur eftir hádegismatinn.
Kristján Ari er allavegana orðinn hress og laus við bólurnar. Hann er ánægður með það, komst loksins til dagmömmunnar í morgun. Við ætlum að skella okkur með hann í Þjóðleikshúsið á morgun að sjá Skoppu og Skrítlu. Ég hlakka mikið til, það verður gaman að sjá hvernig Kristján fílar þetta. Hann elskar allavegana DVD diskinn með þeim.

Þá eru þessar blessuðu kosningar búnar og mér líst bara alls ekki á það að sama ríkisstjórn starfi áfram þótt að þeir hafi einn þingmann í plús. Mér finnst að Framsóknarflokkurinn eigi að hlusta á kjósendur og draga sig út úr ríkisstjórn. Kommon þeir misstu fimm þingmenn !!!! Þetta fer alveg ægilega í taugarnar á mér. Ég myndi vilja sjá Sjálfstæðisflokkinn og Samfylkinguna saman, held það yrði góð stjórn. Það er bara kominn tími á breytingar.

Allt gott að frétta hérna úr Borgarnesinu, við erum búin að selja íbúðina okkar og fá íbúð í Kaupmannahöfn. Fengum íbúð í Frederiksberg sem er alveg frábær staður. Við erum orðin mjög spennt. Það vantar bara vinnu handa mér og þá er allt orðið klappað og klárt.
Kristján Ari er kominn með hlaupabólu og er ekkert allt of sáttur með það. Sem betur fer fær hann þetta bara einu sinni um ævina svo að það er gott að vera búinn að ljúka þessu af.

"PÚTÍN SENDIR EISTUM TÓNINN"

Sá þessa fyrirsögn í fréttablaðinu í morgun, ég gat nú ekki annað en flissað.

Þá er stóra stundin fyrir Eika í kvöld. Ég hlakka nú bara svolítið til að horfa, hef nefnilega ekkert verið spennt fyrir þessu hingað til.

Áfram Eiki Hauks, þú tekur þetta í nefið !!!!!